ಚಾಮರಾಜನಗರ ಜಿಲ್ಲಾಡಳಿತ ಭವನಕ್ಕೆ ವಿಶೇಷ ಅತಿಥಿ: ಅಪರಿಚಿತನನ್ನು ಕಂಡು ಹೌಹಾರಿದ ಸಿಬ್ಬಂದಿ

ಚಾಮರಾಜನಗರ: ಜಿಲ್ಲಾಡಳಿತ ಭವನದ ಮೊದಲನೇ ಅಂತಸ್ತಿನ ಕಚೇರಿಯಲ್ಲಿ ಪುನುಗು ಬೆಕ್ಕು ಪ್ರತ್ಯಕ್ಷವಾಗಿ ಇಡೀ ಭವನದ ಸಿಬ್ಬಂದಿ ಆತಂಕಕ್ಕೊಳಗಾದ ಘಟನೆ ನಡೆದಿದೆ.

ಚಾಮರಾಜನಗರ: ಜಿಲ್ಲಾಡಳಿತ ಭವನಕ್ಕೆ ಬಂದಿದ್ದ ವಿಶೇಷ ಅತಿಥಿಯೊಬ್ಬನನ್ನು ಕಂಡ ಸಿಬ್ಬಂದಿ ಅನಾಮಿಕನ ಪರಿಚಯವಿಲ್ಲದೇ ಕೆಲ ತಾಸು ಭಯಗೊಂಡಿದ್ದ ಘಟನೆ ನಡೆದಿದೆ‌.

ಹೌದು, ಜಿಲ್ಲಾಡಳಿತ ಭವನದ ಮೊದಲನೇ ಅಂತಸ್ತಿನಲ್ಲಿರುವ ಯೋಜನಾ ನಿರ್ದೇಶಕರ ಕಚೇರಿಗೆ ನಿಶ್ಯಬ್ಧವಾಗಿ ಬಂದು ಕುಳಿತಿದ್ದ ಪುನುಗು ಬೆಕ್ಕನ್ನು ಕಂಡ ಸಿಬ್ಬಂದಿ ಹೌಹಾರಿದ್ದಾರೆ. ಪ್ರಾಣಿ ಯಾವುದೆಂದು ತಿಳಿಯದೇ ಹತ್ತಿರಕ್ಕೂ ಹೋಗಲು ಸಿಬ್ಬಂದಿ ಹೆದರಿದ್ದರಿಂದ ಯೋಜನಾ ನಿರ್ದೇಶಕರಾದ ಕೆ‌‌.ಸುರೇಶ್ ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದ್ದಾರೆ.

ವಿಷಯ ಅರಿತು ಬಂದ ಅರಣ್ಯ ಇಲಾಖೆ ಸಿಬ್ಬಂದಿ ಅತ್ತಿಂದಿತ್ತ ಓಡಾಡುತ್ತಿದ್ದ ಪುನುಗು ಬೆಕ್ಕನ್ನು ರಕ್ಷಿಸಿ ಅದನ್ನು ಸಮೀಪದ ಜಮೀನಿಗೆ ಬಿಟ್ಟು ಬಂದಿರುವುದಾಗಿ ಈಟಿವಿ ಭಾರತಕ್ಕೆ ಮೂಲಗಳು ತಿಳಿಸಿವೆ.