ಚಾಮರಾಜನಗರ: ಗಡಿ ಭಾಗದ ಕಾಂಡಂಚಿನ ಹಳ್ಳಿಗಳಿಗೆ ಭೇಟಿಯಿತ್ತು ರಸ್ತೆ ಮಾಡುವ ಭರವಸೆ ನೀಡಿದ್ದ ಶಿಕ್ಷಣ ಸಚಿವರ ಮಾತು ಮಾತಾಗಿಯೇ ಉಳಿದಿದೆ. ಜಿಲ್ಲೆಯ ಪಡಿಸಲನತ್ತ ಗ್ರಾಮದಲ್ಲಿ ರಸ್ತೆ ಸಂಪರ್ಕ ಇಲ್ಲದ್ದರಿಂದ ಅನಾರೋಗ್ಯಕ್ಕೆ ತುತ್ತಾಗಿದ್ದ ಮಹಿಳೆಯನ್ನು 13 ಕಿಮೀ ಡೋಲಿ ಹೊತ್ತು ಸಾಗಿ ಆಸ್ಪತ್ರೆಗೆ ಸೇರಿಸಿದ ಘಟನೆ ಜರುಗಿದೆ.
ಶಿಕ್ಷಣ ಸಚಿವರ 'ರಸ್ತೆ' ಭರವಸೆ ಹುಸಿ
ಹನೂರು ತಾಲೂಕಿನ ಮಲೆಮಹದೇಶ್ವರ ಬೆಟ್ಟದ ತಪ್ಪಲಿನಲ್ಲಿರುವ ಪಡಿಸಲನತ್ತ ಗ್ರಾಮಕ್ಕೆ ಕಚ್ಚಾ ರಸ್ತೆಯೂ ಇಲ್ಲ. ಶುಕ್ರವಾರ ಗ್ರಾಮದ ಮಹದೇವಮ್ಮ ಎಂಬ ಮಹಿಳೆ ಅನಾರೋಗ್ಯಕ್ಕೆ ತುತ್ತಾಗಿದ್ದರು. ಬರೋಬ್ಬರಿ 13 ಕಿಮೀ ಡೋಲಿಯಲ್ಲಿ ಹೊತ್ತು ತಮಿಳುನಾಡು- ಕರ್ನಾಟಕ ಗಡಿ ಪಾಲಾರ್ ತನಕ ಹೊತ್ತೊಯ್ದಿದ್ದಾರೆ.