ಚಾಮರಾಜನಗರ :ಈ ಸಾಲಿನ ಬಜೆಟ್ನಲ್ಲಿ ಸಿಎಂ ಬಿಎಸ್ವೈ ಘೋಷಿಸಿದ ಹನೂರು ತಾಲೂಕಿನ ಗೋಪಿನಾಥಂನಲ್ಲಿ ವನ್ಯಜೀವಿ ಸಫಾರಿ ಹಾಗೂ ಪರಿಸರ ಪ್ರವಾಸೋದ್ಯಮಕ್ಕೆ ಸಂಬಂಧಿಸಿದಂತೆ ಅರಣ್ಯ ಇಲಾಖೆ ಬರ್ಡ್ ವಾಚಿಂಗ್, ಟ್ರಕ್ಕಿಂಗ್ಗೆ ಪ್ಲಾನ್ ಮಾಡಿಕೊಂಡಿದೆ.
ವನ್ಯಜೀವಿ ಸಫಾರಿಯಲ್ಲಿ ಗೋಪಿನಾಥಂ ಕೆರೆ ಸುತ್ತಮುತ್ತಲೂ ಪಕ್ಷಿಗಳ ವೀಕ್ಷಣೆಗೆ ಹೆಚ್ಚು ಒತ್ತು ಕೊಟ್ಟಿದ್ದು, ಸಫಾರಿ ಎಂದ ಕೂಡಲೇ ಹುಲಿ, ಚಿರತೆಯಷ್ಟೇ ಅಲ್ಲ ಪ್ರಾಕೃತಿಕ ಸೌಂದರ್ಯ, ಪಕ್ಷಿಗಳ ವೀಕ್ಷಣೆಯೂ ಹೌದು ಎಂಬಂತಹ ಮತ್ತೊಂದು ಆಯಾಮ ನೀಡಲು ಮುಂದಾಗಿದ್ದಾರೆ.
ಈ ಕುರಿತು ಚಾಮರಾಜನಗರ ಸಿಸಿಎಫ್ ಮನೋಜ್ ಕುಮಾರ್ ಮಾತನಾಡಿ, ಬಜೆಟ್ನಲ್ಲಿ 5 ಕೋಟಿ ರೂ. ಅನುದಾನ ಘೋಷಿಸಲಾಗಿದೆ. ಹೊಗೆನಕಲ್ ಜಲಪಾತದ ಸಮೀಪ ಶೌಚಾಲಯ, ಕುಡಿಯುವ ನೀರಿನ ವ್ಯವಸ್ಥೆ, ಕ್ಯಾಂಟೀನ್, ಪ್ರವಾಸಿಗರು ವಿಶ್ರಮಿಸಲು ಅವಕಾಶ ಕಲ್ಪಿಸಲು ರೂಪುರೇಷೆ ಸಿದ್ಧವಾಗಿದೆ. ಜೊತೆಗೆ ಕಾಡುಗಳ್ಳ ವೀರಪ್ಪನ್ ಕ್ರೌರ್ಯಕ್ಕೆ ಬಲಿಯಾದ ಪಿ.ಶ್ರೀನಿವಾಸ್ ಅವರ ಸ್ಮಾರಕ ಸ್ಥಳವನ್ನು ಪ್ರವಾಸಿಗರಿಗೆ ಪರಿಚಯಿಸಲಾಗುವುದು ಎಂದರು.