ಚಾಮರಾಜನಗರ: 200 ದಾಟಿದ ಸಕ್ರಿಯ ಪ್ರಕರಣ - 2ನೇ ದಿನವೂ ಬಿಳಿಗಿರಿರಂಗನಾಥ ದೇಗುಲ ಬಂದ್

379 ಮಂದಿ ಪ್ರಾಥಮಿಕ ಹಾಗೂ ದ್ವಿತೀಯ ಸಂಪರ್ಕಿತರ ಮೇಲೆ ಆರೋಗ್ಯ ಇಲಾಖೆ ನಿಗಾ ಇಟ್ಟಿದೆ.

ಚಾಮರಾಜನಗರ: ಜಿಲ್ಲೆಯಲ್ಲಿ ಇಂದು ಹೊಸದಾಗಿ 29 ಮಂದಿಗೆ ಕೋವಿಡ್ ಬಂದಿದ್ದು, ಸಕ್ರಿಯ ಪ್ರಕರಣಗಳ ಸಂಖ್ಯೆ 204 ಕ್ಕೆ ಏರಿಕೆಯಾಗಿದೆ.

158 ಮಂದಿಯನ್ನು ಹೋಂ ಐಸೋಲೇಷನ್​​ಗೆ ಕಳುಹಿಸಿದ್ದು, ಐವರು ಐಸಿಯುನಲ್ಲಿದ್ದಾರೆ‌. 379 ಮಂದಿ ಪ್ರಾಥಮಿಕ ಹಾಗೂ ದ್ವಿತೀಯ ಸಂಪರ್ಕಿತರ ಮೇಲೆ ಆರೋಗ್ಯ ಇಲಾಖೆ ನಿಗಾ ಇಟ್ಟಿದೆ.

ಬಿಳಿಗಿರಿರಂಗನಾಥ ದೇಗುಲದ ಅರ್ಚಕರುಗಳಿಗೆ ಕೊರೊನಾ ಬಂದಿರುವ ಹಿನ್ನೆಲೆಯಲ್ಲಿ ಪೂಜೆಗೆ ಹೊಸ ಅರ್ಚಕರು ಸಿಗದ ಪರಿಣಾಮ ಎರಡನೇ ದಿನವೂ ಬಿಳಿಗಿರಿರಂಗನಾಥ ದೇವಾಲಯ ಬಂದಾಗಿತ್ತು.

ಉಳಿದಂತೆ, ಕೃಷಿ ವಿಜ್ಞಾನ ಕಾಲೇಜಿನ ವಿದ್ಯಾರ್ಥಿಗಳ ಕೊರೊನಾ ಕೇಸ್ ಸಂಬಂಧಿಸಿದಂತೆ ಸೋಂಕಿತರ ಸಂಖ್ಯೆ 17ಕ್ಕೆ ಏರಿಕೆಯಾಗಿದೆ.