ಕದ್ದ ದುಡ್ಡನ್ನು ವಾಪಸ್ ತಂದಿಟ್ಟ ಪ್ರಾಮಾಣಿಕ ಕಳ್ಳ ..!

ಬುಧವಾರ ರಾತ್ರಿ ಮನೆಯ ಹ್ಯಾಂಗರ್​ನಲ್ಲಿ ನೇತು ಹಾಕಿದ್ದ ಪ್ಯಾಂಟ್ ಅನ್ನು ಅದರಲ್ಲಿದ್ದ 1.40 ಲಕ್ಷ ರೂ. ಸಮೇತ ಕಳ್ಳನೋರ್ವ ಕಿಟಕಿಯ ‌ಮೂಲಕ‌ ಎಗರಿಸಿ ಪರಾರಿಯಾಗಿದ್ದ. ಆದರೆ ಇಂದು ಮುಂಜಾನೆ ಕದ್ದ ದುಡ್ಡನ್ನು ಪ್ಯಾಂಟ್ ಸಮೇತ ಮನೆ ಮುಂದೆ ಇಟ್ಟು ಹೋಗಿದ್ದಾನೆ.

ಕೊಳ್ಳೇಗಾಲ:ಪ್ಯಾಂಟ್​ ಸಮೇತ ಕದ್ದಿದ್ದ ಹಣವನ್ನು ಕಳ್ಳನೋರ್ವ ಮರಳಿ ವಾರಸುದಾರರಿಗೆ ನೀಡಿದ ಘಟನೆ ಪಟ್ಟಣದ ನೂರ್​​ ಮೊಹಲ್ಲಾ ಬಡಾವಣೆಯಲ್ಲಿ ನಡೆದಿದೆ.

ಅಫ್ಸರ್​​ ಎಂಬುವವರು ತಮ್ಮ ಮನೆಯಲ್ಲಿ ನೇತು ಹಾಕಿದ್ದ ಪ್ಯಾಂಟ್​​ನಲ್ಲಿ 1.40 ಲಕ್ಷ ರೂ. ಹಣ ಇಟ್ಟಿದ್ದರು. ಕಳ್ಳನೋರ್ವ ಕಿಟಕಿಯ ಮೂಲಕ ಪ್ಯಾಂಟ್​​ ಸಮೇತ ಹಣವನ್ನು ಕದ್ದೊಯ್ದಿದ್ದ. ಆದರೆ ವಿಚಿತ್ರ ಎಂಬಂತೆ ಇಂದು ಮುಂಜಾನೆ ಪ್ಯಾಂಟ್​ ಸಮೇತ ಕದ್ದ ಹಣ ಇಟ್ಟು ಹೋಗಿದ್ದಾನೆ.

ಬುಧವಾರ ರಾತ್ರಿ ಮನೆಯ ಹ್ಯಾಂಗರ್​ನಲ್ಲಿ ನೇತು ಹಾಕಿದ್ದ ಪ್ಯಾಂಟ್ ಅನ್ನು ಅದರಲ್ಲಿದ್ದ 1.40 ಲಕ್ಷ ರೂ. ಸಮೇತ ಕಳ್ಳನೋರ್ವ ಕಿಟಕಿಯ ‌ಮೂಲಕ‌ ಎಗರಿಸಿ ಪರಾರಿಯಾಗಿದ್ದ. ಆದರೆ ಇಂದು ಮುಂಜಾನೆ ಕದ್ದ ದುಡ್ಡನ್ನು ಪ್ಯಾಂಟ್ ಸಮೇತ ಮನೆ ಮುಂದೆ ಇಟ್ಟು ಹೋಗಿದ್ದಾನೆ.

ಪ್ರಕರಣದ ಹಿನ್ನೆಲೆ

ದ್ವಿಚಕ್ರ ವಾಹನಗಳ ಡೀಲರ್ ಆಗಿರುವ ಅಫ್ಸರ್ ಪಾಷ ಬೈಕ್ ಮಾರಿ ಬಂದ ಹಣವನ್ನು ತಮ್ಮ ಪ್ಯಾಂಟಿನಲ್ಲಿ ಇಟ್ಟು ಮನೆಯ ಒಳ ಗೋಡೆಯ ಹ್ಯಾಂಗರ್​ಗೆ ನೇತು ಹಾಕಿದ್ದರು. ರಾತ್ರಿ ಮಲಗಿರುವ ವೇಳೆ ಚಾಲಾಕಿ ಕಳ್ಳ ಕಿಟಕಿ‌ ಮೂಲಕ ಕೈಹಾಕಿ ಪ್ಯಾಂಟ್ ಸಮೇತ 1.40 ಲಕ್ಷ ರೂ. ಗಳನ್ನು ಎಗರಿಸಿ ಪರಾರಿಯಾಗಿದ್ದ.

ಹಣ ಕಳೆದುಕೊಂಡ ಅಫ್ಸರ್ ಪಟ್ಟಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದರು. ಪೊಲೀಸರು ಈ ಬಗ್ಗೆ ತನಿಖೆಯನ್ನು ಕೈಗೊಂಡಿದ್ದರು. ಆದರೆ ಇಂದು ಮುಂಜಾನೆ ಕಳ್ಳ ಪ್ಯಾಂಟಿನ ಸಮೇತ ಹಣವನ್ನು ಮನೆ ಮುಂದೆ ಇಟ್ಟು ಪರಾರಿಯಾಗಿದ್ದಾನೆ. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ಮಾಡಿದ್ದಾರೆ.