ಕಬ್ಬಳ್ಳಿಯಲ್ಲಿ 'ಸೂಫಿಯುಂ ಸುಜಾತಯುಂ' ಶೂಟಿಂಗ್: ಸೈಕಲ್ ಏರಿದ ಬೋಲ್ಡ್ ಬೆಡಗಿ ಹೈದರಿ

ಮಲೆಯಾಳಂನ 'ಸೂಫಿಯುಂ ಸೂಜಾತಯುಂ' ಚಿತ್ರದ ಶೂಟಿಂಗ್ ಗುಂಡ್ಲುಪೇಟೆ ತಾಲೂಕಿನ ಕಬ್ಬಳ್ಳಿಯಲ್ಲಿ ನಡೆಯುತ್ತಿದೆ. ಶೂಟಿಂಗ್​ ನೋಡಲು ಅಕ್ಕಪಕ್ಕದ ಗ್ರಾಮದ ಜನರು ತಂಡೋಪತಂಡವಾಗಿ ಆಗಮಿಸುತ್ತಿರುವುದು ಸಾಮಾನ್ಯವಾಗಿತ್ತು.

ಚಾಮರಾಜನಗರ:ಮಳಯಾಳಂನ 'ಸೂಫಿಯುಂ ಸೂಜಾತಯುಂ' ಚಿತ್ರದ ಶೂಟಿಂಗ್ ಗುಂಡ್ಲುಪೇಟೆ ತಾಲೂಕಿನ ಕಬ್ಬಳ್ಳಿಯಲ್ಲಿ ನಡೆಯುತ್ತಿದ್ದು, ಗ್ರಾಮದಲ್ಲಿ ಮಳಯಾಳಂ ಕಂಪು ಪಸರಿಸಿದೆ‌.

ಗ್ರಾಮದಲ್ಲಿ ಮಸೀದಿ ಮತ್ತು ಬಸ್ ನಿಲ್ದಾಣದ ಸೆಟ್​ಗಳನ್ನು ಹಾಕಿರುವ ಚಿತ್ರತಂಡ ಹಾಡುಗಳ ಚಿತ್ರೀಕರಣದಲ್ಲಿ ನಿರತವಾಗಿದೆ. ಚಿತ್ರದಲ್ಲಿ ಜಯಸೂರ್ಯ ಆಕ್ಷನ್ ಚಿತ್ರಗಳ ಬಳಿಕ ಪ್ರೇಮಕಥೆ ಆಧಾರಿತ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಇನ್ನೂ ನಾಯಕಿಯಾಗಿ ಬೋಲ್ಡ್ ಬೆಡಗಿ ಅದಿತಿ ರಾವ್ ಹೈದರಿ ಕಾಣಿಸಿಕೊಂಡಿದ್ದಾರೆ.

ನಟಿ ಅದಿತಿ ರಾವ್

ಚಿತ್ರದ ಶೂಟಿಂಗ್‌ ನೋಡಲು ಅಕ್ಕಪಕ್ಕದ ಗ್ರಾಮದ ಜನರು ತಂಡೋಪತಂಡವಾಗಿ ಆಗಮಿಸುತ್ತಿದ್ದರು.

ಈ ಚಿತ್ರವನ್ನು ನರೈನ್ ಪೂಜ ನಿರ್ದೇಶಿಸುತ್ತಿದ್ದು, ವಿಜಯ್ ಬಾಬು ನಿರ್ಮಾಣ ಜವಾಬ್ದಾರಿ ಹೊತ್ತಿದ್ದಾರೆ. ಶನಿವಾರ ಇಲ್ಲವೇ ಭಾನುವಾರದಿಂದ ಕೋಜಿಕೋಡ್​ನಲ್ಲಿ ಹಾಡಿನ ಇನ್ನುಳಿದ ಚಿತ್ರೀಕರಣ ನಡೆಯಲಿದೆ ಎನ್ನಲಾಗುತ್ತಿದೆ.