ಚಾಮರಾಜನಗರ:ಅರ್ಧ ತಾಸು ವಿದ್ಯುತ್ ಕೈ ಕೊಟ್ಟರೆ ಪರಿತಪಿಸುವವರ ನಡುವೆ ಭಾರತ ಸ್ವತಂತ್ರಗೊಂಡ ಮುಕ್ಕಾಲು ಶತಮಾನದ ಬಳಿಕ ಚಾಮರಾಜನಗರದ ಪೌರ ಕಾರ್ಮಿಕರ ಕಾಲೊನಿ ವಿದ್ಯುತ್ ಬೆಳಕು ಪಡೆದಿದೆ.
ಚಾಮರಾಜನಗರ ನಗರಸಭೆ ವ್ಯಾಪ್ತಿಯ 9 ನೇ ವಾರ್ಡಿನಲ್ಲಿರುವ ಪೌರ ಕಾರ್ಮಿಕರ ಕಾಲೋನಿಯು 75 ವರ್ಷಗಳ ಬಳಿಕ ಬೀದಿದೀಪ ಕಂಡಿದೆ. ಈ ಕಾಲೋನಿಯಲ್ಲಿ 90ಕ್ಕೂ ಹೆಚ್ಚು ಮನೆಗಳಿದ್ದು, ನಾಲ್ಕು ಬೀದಿಗಳಿಗೆ ಕೇವಲ ಎರಡು ಕಂಬಗಳ ಮೂಲಕ ಮನೆಗಳಿಗೆ ವಿದ್ಯುತ್ ಸಂಪರ್ಕ ಕಲ್ಪಿಸಲಾಗಿತ್ತು. ಬೀದಿ ದೀಪಗಳಿಲ್ಲದೆ ಸಂಜೆ 7 ಗಂಟೆಯಾದರೆ ಯಾರೂ ಓಡಾಡಲಾಗದ ಭಯದ ವಾತಾವರಣ ನಿರ್ಮಾಣವಾಗುತ್ತಿತ್ತು.
ಕೊನೆಗೂ ಬೆಳಕು ಕಂಡ ಕಾಲೊನಿ