ಸಿಎಂ ಟ್ವಿಟರ್ ಖಾತೆಯಲ್ಲಿನ ಎಡವಟ್ಟಿಗೆ ಕೈ ಕಾರ್ಯಕರ್ತರು ಗರಂ...!

ಸಂವಿಧಾನ ದಿವಸ್​ ಆಚರಣೆ ಕುರಿತು ಸಿಎಂ ಟ್ವಟರ್​ನಲ್ಲಿ, ಕೊಳ್ಳೇಗಾಲ ಶಾಸಕ ಎನ್. ಮಹೇಶ್ ಅವರ ಹೆಸರನ್ನು ಮಾತ್ರ ಹಾಕಿ ಹನೂರು ಶಾಸಕ ಆರ್. ನರೇಂದ್ರ, ಚಾಮರಾಜನಗರ ಶಾಸಕ ಸಿ. ಪುಟ್ಟರಂಗಶೆಟ್ಟಿ ಅವರ ಹೆಸರನ್ನು ಕೈ ಬಿಟ್ಟಿರುವುದು ಕೈ ಕಾರ್ಯಕರ್ತರ ಆಕ್ರೋಶಕ್ಕೆ ಕಾರಣವಾಗಿದೆ.

ಚಾಮರಾಜನಗರ: ಕಳೆದ ನಾಲ್ಕು ದಿನಗಳ ಹಿಂದೆ ಮಲೆ ಮಹದೇಶ್ವರ ಬೆಟ್ಟದಲ್ಲಿ ಜರುಗಿದ್ದ ಕಾರ್ಯಕ್ರಮಗಳ ಮಾಹಿತಿಯನ್ನು ಸಿಎಂ ಬಿಎಸ್​​ವೈ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಳ್ಳುವ ವೇಳೆ ಆದ ಎಡವಟ್ಟಿಗೆ ಕಾಂಗ್ರೆಸ್​ ಕಾರ್ಯಕರ್ತರ ಆಕ್ರೋಶ ಮುಂದುವರೆದಿದೆ.

ಕೈ ಕಾರ್ಯಕರ್ತರ ಆಕ್ರೋಶ

ಸಂವಿಧಾನ ದಿವಸ್​ ಆಚರಣೆ ಕುರಿತು ಸಿಎಂ ಟ್ವಟರ್​ನಲ್ಲಿ, ಕೊಳ್ಳೇಗಾಲ ಶಾಸಕ ಎನ್. ಮಹೇಶ್ ಅವರ ಹೆಸರನ್ನು ಮಾತ್ರ ಹಾಕಿ ಹನೂರು ಶಾಸಕ ಆರ್. ನರೇಂದ್ರ, ಚಾಮರಾಜನಗರ ಶಾಸಕ ಸಿ. ಪುಟ್ಟರಂಗಶೆಟ್ಟಿ ಅವರ ಹೆಸರನ್ನು ಕೈ ಬಿಟ್ಟಿರುವುದು ಕೈ ಕಾರ್ಯಕರ್ತರ ಆಕ್ರೋಶಕ್ಕೆ ಕಾರಣವಾಗಿದೆ. ಸಾಮಾಜಿಕ ಜಾಲತಾಣದಲ್ಲಿ ನೆಟ್ಟಿಗರು ಟೀಕೆಗಳ ಮಳೆಯನ್ನೇ ಸುರಿಸುತ್ತಿದ್ದಾರೆ.

ಸಿಎಂ ಬಿಎಸ್​​ವೈ ಟ್ವಿಟರ್ ಖಾತೆ

ಈ ಸುದ್ದಿಯನ್ನೂ ಓದಿ:ಕೋಲಾರ: ಬೈಕ್ ಗೆ ಅಪರಿಚಿತ ವಾಹನ ಡಿಕ್ಕಿಯಾಗಿ ಇಬ್ಬರು ಯುವಕರು ದುರ್ಮರಣ

ಸಂವಿಧಾನ ದಿವಸ್​ ಆಚರಣೆಯ ಓದು ಹಾಗೂ ಅಭಿವೃದ್ಧಿ ಕಾಮಗಾರಿಗಳ ಉದ್ಘಾಟನೆಯ ಕಾರ್ಯಕ್ರಮದಲ್ಲಿ ಕಾಂಗ್ರೆಸ್ ಶಾಸಕರು ಭಾಗಿಯಾಗಿದ್ದರೂ ಕೂಡ ಅವರ ಹೆಸರು ಹಾಕದೆ ತೋರಿರುವ ಧೋರಣೆ ಸರಿಯೇ ಎಂದು ಕಾಂಗ್ರೆಸಿಗರು ಗರಂ ಆಗಿದ್ದಾರೆ.