ಊಟಿ ವೃತ್ತದಲ್ಲಿ ಬೀಡುಬಿಟ್ಟ ಮೂವರು ವ್ಯಕ್ತಿಗಳ ಬಗ್ಗೆ ಅಧಿಕಾರಿಗಳ ನಿರ್ಲಕ್ಷ್ಯ ಆರೋಪ

ಕೊರೊನಾ ಸಮಯದಲ್ಲಿ ಈ ರೀತಿಯಲ್ಲಿ ನಿರ್ಲಕ್ಷ್ಯ ಮಾಡಿದರೆ ತಾಲ್ಲೂಕಿನಲ್ಲಿ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತದೆ ಅನ್ನೋದು ಇಲ್ಲಿನ ನಿವಾಸಿಗಳ ದೂರು.

ಗುಂಡ್ಲುಪೇಟೆ: ಪಟ್ಟಣದ ಊಟಿ ವೃತ್ತದ ಬಳಿ ಉತ್ತರ ಪ್ರದೇಶದಿಂದ ಬಂದಿರುವ ಮೂವರು ವಾರದಿಂದ ಬೀಡುಬಿಟ್ಟಿದ್ದರೂ ಸಹ ತಾಲ್ಲೂಕು ಆಡಳಿತವಾಗಲಿ, ಆರೋಗ್ಯ ಮತ್ತು ಪೊಲೀಸ್ ಇಲಾಖೆಯಾಗಲಿ ಇವರ ಬಗ್ಗೆ ಗಮನ ಹರಿಸಿಲ್ಲ ಎಂದು ದಲಿತ ಮುಖಂಡ ಕೂತನೂರು ಶಿವಯ್ಯ ಆರೋಪಿಸಿದರು.

ಕೊರೊನಾ ಸಮಯದಲ್ಲಿ ಈ ರೀತಿಯಲ್ಲಿ ನಿರ್ಲಕ್ಷ್ಯ ಮಾಡಿದರೆ ತಾಲ್ಲೂಕಿನಲ್ಲಿ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತದೆ. ಈ ಮೂವರು ಬಂದು ವಾರದಿಂದ ಇಲ್ಲಿಯೇ ವಾಸವಾಗಿದ್ದಾರೆ. ಸ್ಪಷ್ಟವಾಗಿ ಮಾತನಾಡುತ್ತಾರೆ. ಅಲ್ಲಿಂದ ಹೇಗೆ ಬಂದರು? ಇವರ ಬಳಿ ದಾಖಲೆಗಳು ಇವೆಯೇ? ಎಂದು ವಿಚಾರಣೆ ಮಾಡಿ ಕ್ವಾರಂಟೈನ್‌ಗೆ ಕಳುಹಿಸಬೇಕು ಅಥವಾ ಸ್ವಂತ ಸ್ಥಳಕ್ಕೆ ಕಳುಹಿಸುವ ವ್ಯವಸ್ಥೆ ಮಾಡಬೇಕು ಎಂದು ಶಿವಯ್ಯ ಒತ್ತಾಯಿಸಿದರು.