ಚಾಮರಾಜನಗರ: ಹಳೇ ಮೈಸೂರು ಭಾಗದಲ್ಲಿ ಬಿಜೆಪಿ ದಲಿತ ನಾಯಕನಾಗುವ ಉತ್ಸಾಹದಲ್ಲಿ ಶಾಸಕ ಎನ್. ಮಹೇಶ್ ಇದ್ದು, ತಮ್ಮನ್ನು ಬೆಂಬಲಿಸುವ ನೂರಾರು ಮಂದಿಯನ್ನು ಕಮಲ ಪಾಳೆಯಕ್ಕೆ ಸೇರಿಸುತ್ತಿದ್ದಾರೆ. ಹಳೇ ಮೈಸೂರು ಭಾಗದಲ್ಲಿ ಈಗಲೂ ಸಂಸದ ವಿ. ಶ್ರೀನಿವಾಸ ಪ್ರಸಾದ್ ದಲಿತ ನಾಯಕರಾಗಿದ್ದು, ಇದೇ ತಮ್ಮ ಕೊನೆಯ ರಾಜಕೀಯ ಎಂದು ಘೋಷಿಸಿರುವುದರಿಂದ ಪ್ರಸಾದ್ ನಂತರ ಮಹೇಶ್ ಅವರಿಗೆ ದಲಿತ ನಾಯಕರಾಗಿ ಬೆಳೆಯಲು ಸಾಕಷ್ಟು ಅವಕಾಶವಿದೆ. ಹೈಕಮಾಂಡ್ ಕೂಡ ಇವರನ್ನು ಹೆಚ್ಚು ಬಿಂಬಿಸಲು ಮುಂದಾಗಿದೆ ಎಂದು ತಿಳಿದುಬಂದಿದೆ.
ಮಹೇಶ್ ಹೆಚ್ಚಿನ ಸಂಖ್ಯೆಯಲ್ಲಿ ಜನರನ್ನು ಬಿಜೆಪಿಗೆ ಸೇರ್ಪಡೆ ಮಾಡುತ್ತಿದ್ದು, ಈಗಾಗಲೇ ಮೈಸೂರು, ಹಾಸನ, ಚಾಮರಾಜನಗರದಲ್ಲಿ ಬೃಹತ್ ಮಟ್ಟದಲ್ಲಿ ಪಕ್ಷ ಸೇರ್ಪಡೆ ಕಾರ್ಯಕ್ರಮ ನಡೆಸಿದ್ದಾರೆ. ಯಡಿಯೂರಪ್ಪ ಆಪ್ತ ವಲಯದಲ್ಲೂ ಗುರುತಿಸಿಕೊಂಡಿದ್ದು, ಶೀಘ್ರದಲ್ಲೇ ಸಂಪುಟಕ್ಕೂ ಸೇರ್ಪಡೆಯಾಗುತ್ತಾರೆಂಬ ಮಾತುಗಳು ಕೇಳಿಬಂದಿದೆ. ಸಂಘ ಪರಿವಾರಕ್ಕೆ ಎನ್.ಮಹೇಶ್‌ರಂತಹ ವಾಗ್ಮಿಯನ್ನು ಬೆಳೆಸಬೇಕಾದದ್ದು ಅನಿವಾರ್ಯವಾಗಿದ್ದು ದಲಿತ ನಾಯಕನಾಗಲುಲು ಮಹೇಶ್ ಅವರಿಗೆ ಅವಕಾಶ, ಉತ್ಸಾಹ ಎರಡೂ ಇದೆ.