ಚಾಮರಾಜನಗರ :ವಸತಿ ಸಚಿವ ವಿ ಸೋಮಣ್ಣ ಅವರೇ ಚಾಮರಾಜನಗರ ಜಿಲ್ಲೆ ಉಸ್ತುವಾರಿ ಆಗಬೇಕೆಂಬ ಒತ್ತಾಯ ಕೇಳಿಬರುತ್ತಿರುವ ಹೊತ್ತಿನಲ್ಲೇ ಉಸ್ತುವಾರಿ ಸಚಿವ ಸ್ಥಾನ ಬೇಡ ಎಂಬ ರೀತಿಯಲ್ಲಿ ಸೋಮಣ್ಣ ಕೈಮುಗಿದ ಘಟನೆ ಇಂದು ನಗರದಲ್ಲಿ ನಡೆಯಿತು.
ನಗರದ ಪ್ರವಾಸಿಮಂದಿರದಲ್ಲಿ"ಚಾಮರಾಜನಗರ ಉಸ್ತುವಾರಿ ಸಚಿವಾರಾಗುತ್ತೀರಾ ಎಂದು ವಿ ಸೋಮಣ್ಣ ಅವರನ್ನ ಕೇಳಿದಕ್ಕೆ, ಉಸ್ತುವಾರಿ ಸಚಿವ ಸ್ಥಾನ ಬೇಡವೆಂಬಂತೆ ತಲೆಯಾಡಿಸಿ ಕೈಮುಗಿದರು.
ತಾಪಂ, ಜಿಪಂ ಚುನಾವಣೆಗೆ ಶುಭ ಸಂದೇಶ :ಇದಕ್ಕೂ ಮುನ್ನ, ಮೈಸೂರು ಮಹಾನಾಗರ ಪಾಲಿಕೆಯಲ್ಲಿ ಮೇಯರ್ ಸ್ಥಾನ ಬಿಜೆಪಿ ಪಾಲಾಗಿರುವ ಕುರಿತು ಮಾತನಾಡಿ, ಇಡೀ ದೇಶದಲ್ಲೇ ಕಮಲ ಅರಳುತ್ತಿದ್ದು, ಅದೇ ರೀತಿ ಮೈಸೂರಿನಲ್ಲೂ ಬಿಜೆಪಿ ಬಂದಿದೆ. ಮೇಯರ್ ಸ್ಥಾನ ಬಂದಿರುವುದು ತಾಪಂ ಮತ್ತು ಜಿಪಂ ಚುನಾವಣೆಗೆ ಶುಭ ಸೂಚಕ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.
ಗುಡಿಸಲು ಮುಕ್ತ ಕರ್ನಾಟಕದ ಗುರಿ ಹೊಂದಿದ್ದು, ರಾಜ್ಯದಲ್ಲಿ ಅರ್ಹ ಬಡವರಿಗೆ ವಸತಿ ನೀಡಲಾಗುವುದು. ಅಧಿಕಾರಿಗಳಿಗೆ ಸೂಚನೆ ಕೊಟ್ಟಿದ್ದೇನೆ ಫಲಾನುಭವಿಗಳಿಗೆ ವಸತಿ ಕೊಡಲಾಗುವುದು ಎಂದು ಹೇಳಿದರು.
ಇದನ್ನೂ ಓದಿ : ಮೊದಲ ಬಾರಿಗೆ ಬಿಜೆಪಿಗೆ ಒಲಿದ ಮೇಯರ್ ಪಟ್ಟ.. ಮೈಸೂರು ಮಹಾನಗರ ಪಾಲಿಕೆಯಲ್ಲಿ ಇತಿಹಾಸ ಸೃಷ್ಟಿ
