ಗುಂಡ್ಲುಪೇಟೆ : ಬಾವಿಯಿಂದ ಹೊರ ಹೋದ ಚಿರತೆ ಫೋಟೋ ಸೆರೆ

ಗುಂಡ್ಲುಪೇಟೆ ತಾಲೂಕಿನ ಹಸಗೂಲಿ ಗ್ರಾಮದ ಪಾಳುಬಾವಿಗೆ ಮೂರು ದಿನಗಳ ಹಿಂದೆ ಚಿರತೆಯೊಂದು ಬಿದ್ದಿತ್ತು. ಬಾವಿಯಿಂದ ಏಣಿ ಸಹಾಯದಿಂದ ಹೊರ ಹೋಗಿರುವ ಫೋಟೋ ಸಿಕ್ಕಿದೆ.

ಗುಂಡ್ಲುಪೇಟೆ(ಚಾಮರಾಜನಗರ):ಮೂರು ದಿನಗಳ ಹಿಂದೆ ಚಿರತೆಯೊಂದು ಪಾಳು ಬಾವಿಗೆ ಬಿದ್ದಿತ್ತು. ಇಂದು ಏಣಿಯ ಸಹಾಯದಿಂದ ಅದು ಹೊರ ಹೋಗಿರುವ ಫೋಟೋ ಸೆರೆಯಾಗಿದೆ.

ತಾಲೂಕಿನ ಹಸಗೂಲಿ ಗ್ರಾಮದ ಪಾಳುಬಾವಿಗೆ ಮೂರು ದಿನಗಳ ಹಿಂದೆ ಚಿರತೆಯೊಂದು ಬಿದ್ದಿತ್ತು. ಅದನ್ನು ಹೊರಗೆತ್ತಲು ಅರಣ್ಯ ಇಲಾಖೆ ಸಿಬ್ಬಂದಿ ಹರಸಹಾಸ ನಡೆಸಿದ್ದರು.

ಆದರೆ ಚಿರತೆ ಪೊಟರೆಯಲ್ಲಿ ಸೇರಿಕೊಂಡು ಹೊರ ಬಂದಿರಲಿಲ್ಲ. ಆದ್ದರಿಂದ ಅಧಿಕಾರಿಗಳು ಕ್ಯಾಮೆರಾ ಅಳವಡಿಸಿ ಬೋನು ಇಟ್ಟಿದ್ದರು ಸಹ ಚಿರತೆ ಸೆರೆಯಾಗಿರಲಿಲ್ಲ.

ಬಳಿಕ ಬಾವಿಯೊಳಗೆ ಏಣಿಯನ್ನು ಇರಿಸಿದ್ದರು. ಇಂದು ಅದರ ಸಹಾಯದಿಂದ ಚಿರತೆ ಹೊರ ಹೋಗಿರುವ ಫೋಟೋ ಕ್ಯಾಮೆರಾದಲ್ಲಿ ಸೆರೆ ಸಿಕ್ಕಿದೆ.