ಕೊಳ್ಳೇಗಾಲ: ನೇರ ವೇತನಕ್ಕೆ ಆಗ್ರಹಿಸಿ ವಾಟರ್​​ಮನ್​ಗಳ ಧರಣಿ

ಹೊರ ಗುತ್ತಿಗೆ ರದ್ದುಪಡಿಸಿ ನೇರ ವೇತನ ನೀಡುವಂತೆ ಒತ್ತಾಯಿಸಿ ನಗರಸಭೆ ಎದುರು ವಾಟರ್​​ಮನ್​ಗಳು ಪ್ರತಿಭಟನೆ ನಡೆಸಿದರು.

ಕೊಳ್ಳೇಗಾಲ: ಸರ್ಕಾರ‌ ವಾಟರ್​​ಮನ್​ಗಳಿಗೆ ನೇರ ವೇತನ ನೀಡಬೇಕು. ಗುತ್ತಿಗೆ ಆಧಾರಿತ ವ್ಯವಸ್ಥೆ ‌ರದ್ದುಪಡಿಸಬೇಕು ಎಂದು ಆಗ್ರಹಿಸಿ ಪಟ್ಟಣದ ನಗರಸಭೆ ಕಚೇರಿ ಎದುರು ವಾಟರ್​ಮನ್​ಗಳು ಪ್ರತಿಭಟನೆ ನಡೆಸಿದರು.

ಸರ್ಕಾರವು ಮಲತಾಯಿ ಧೋರಣೆ ‌ಮಾಡಬಾರದು. ನಾವು ಕೂಡ ಕಷ್ಟ ಪಟ್ಟು, ಕೆಸರು, ಮಣ್ಣನ್ನು ಮೈಗಂಟಿಸಿಕೊಂಡು ರಸ್ತೆಗಳಿದು ಕೆಲಸ ಮಾಡುತ್ತೇವೆ. ನಮ್ಮನ್ನು ಸಹ ಪರಿಗಣಿಸಿ ವಾಟರ್​ಮನ್​ಗಳ ಹೊರಗುತ್ತಿಗೆ ರದ್ದುಪಡಿಸಿ ನೇರ ವೇತನ‌ ನೀಡಬೇಕೆಂದು ಒತ್ತಾಯಿಸಿದರು.

ನೇರ ವೇತನಕ್ಕೆ ಆಗ್ರಹಿಸಿ ವಾಟರ್​​ಮನ್​ಗಳ ಧರಣಿ

ಈ ವೇಳೆ ವಾಟರ್​ಮನ್ ಪುಟ್ಟಮಲ್ಲ ಮಾತನಾಡಿ, ಕೊಳ್ಳೇಗಾಲ ನಗರಸಭೆ ವ್ಯಾಪ್ತಿಯಲ್ಲಿ ‌20 ವರ್ಷಗಳಿಂದಲೂ ವಾಟರ್​​ಮನ್​‌ಗಳಾಗಿ ಕಾರ್ಯ‌ನಿರ್ವಹಿಸುತ್ತಿದ್ದೇವೆ. ಆದರೆ ಇಲ್ಲಿಯವರೆಗೂ ವೇತನದಲ್ಲಿ ತಾರತಮ್ಯ ಧೋರಣೆ ಅನುಭವಿಸುತ್ತಿದ್ದೇವೆ. ಪೌರಕಾರ್ಮಿಕರಂತೆ ನಾವು ಕಷ್ಟ ಪಟ್ಟು‌ ಕೆಲಸ ಮಾಡುತಿದ್ದೇವೆ. ಆದ್ದರಿಂದ ನೇರ ವೇತನ‌ ನೀಡಿ, ಗುತ್ತಿಗೆ ರದ್ದುಪಡಿಸಬೇಕು. ಇಲ್ಲವಾದಲ್ಲಿ ಮುಂದಿನ ದಿನಗಳಲ್ಲಿ ಉಗ್ರ ಹೋರಾಟ‌ ಮಾಡುತ್ತೇವೆ ಎಂದು ಎಚ್ಚರಿಸಿದ್ದಾರೆ.