29 ತಿಂಗಳ ಬಳಿಕ ಪ್ರಥಮ ಸಾಮಾನ್ಯ ಸಭೆ... ಸದಸ್ಯರ ಪ್ರಮಾಣ ವಚನ

ಕೊಳ್ಳೇಗಾಲ ನಗರ ಸಭೆಯಲ್ಲಿ 29 ತಿಂಗಳ ಬಳಿಕ ಇಂದು ಚೊಚ್ಚಲ ಸಾಮಾನ್ಯ ಸಭೆ ನಡೆದಿದೆ. ಸಭೆಯಲ್ಲಿ ಸದಸ್ಯರೆಲ್ಲರೂ ಭಾಗಿಯಾಗಿ ಪ್ರಮಾಣ ವಚನ ಸ್ವೀಕರಿಸಿದ್ದಾರೆ.

ಕೊಳ್ಳೇಗಾಲ:ಕೊಳ್ಳೇಗಾಲ ನಗರಸಭೆಯ ಚುನಾವಣೆಯಾಗಿ 29 ತಿಂಗಳ ಬಳಿಕ ಸಾಮಾನ್ಯ ಸಭೆ ನಡೆಸಿ ನಗರದ ಅಭಿವೃದ್ದಿ ಹಾಗೂ ಸಮಸ್ಯೆಗಳನ್ನು ಬಗ್ಗೆ ಚರ್ಚಿಸುವ ಭಾಗ್ಯ ಸದಸ್ಯರಿಗೆ ಇಂದು ದೊರಕಿದೆ.

ಕಳೆದ 2 ತಿಂಗಳ ಹಿಂದೆಯಷ್ಟೆ ಅಧ್ಯಕ್ಷ ಮತ್ತು ಉಪಾಧ್ಯಕ್ಷರ ಚುನಾವಣೆ ನಡೆದು ಅಧ್ಯಕ್ಷರಾಗಿ ಗಂಗಮ್ಮ, ಉಪಾಧ್ಯಕ್ಷರಾಗಿ ಕವಿತಾ ಆಯ್ಕೆಯಾಗಿದ್ದಾರೆ. 29 ತಿಂಗಳ ಬಳಿಕ ನಡೆದ ಚೊಚ್ಚಲ ಸಾಮಾನ್ಯ ಸಭೆಯಲ್ಲಿ ಸದಸ್ಯರೆಲ್ಲರೂ ಭಾಗಿಯಾಗಿ ಪ್ರಮಾಣ ವಚನ ಸ್ವೀಕರಿಸಿದರು.

ಈ ಬಗ್ಗೆ ಶಾಸಕ ಎನ್. ಮಹೇಶ್ ಮಾತನಾಡಿ 2 ತಿಂಗಳ ಹಿಂದೆಯಷ್ಟೇ ಅಧ್ಯಕ್ಷ, ಉಪಾಧ್ಯಕ್ಷರ ಆಯ್ಕೆಯಾಗಿದೆ. ಮೊದಲ ಸಾಮಾನ್ಯ ಸಭೆ ಇಂದು ನಡೆಯುತ್ತಿದೆ. ಆಯಾ ವಾರ್ಡ್​ಗಳ ಸದಸ್ಯರು ಅಭಿವೃದ್ಧಿ ಹಾಗೂ ಸಮಸ್ಯೆಗಳ ಬಗ್ಗೆ ಪರಿಪೂರ್ಣ ಚರ್ಚಿಸಿ ಸರಿಪಡಿಸುವ ಕೆಲಸವಾಗಲಿ ಎಂದರು.

ಇದೇ ವೇಳೆ 31 ನಗರಸಭಾ ಸದಸ್ಯರೂ ಕೂಡ ಪ್ರಮಾಣ ವಚನ ಸ್ವೀಕರಿಸಿದರು.