ಚಾಮರಾಜನಗರ : ಗಬ್ಬು ವಾಸನೆ ಇಲ್ಲದೇ ಘಮಘಮ ಪರಿಮಳ. ಅಲ್ಲಲ್ಲಿ ಮೂತ್ರ ವಿಸರ್ಜನೆ ಮಾಡುತ್ತಿದ್ದ ಜಾಗಗಳೆಲ್ಲಾ ಇದ್ದಕ್ಕಿದ್ದಂತೆ ಸ್ವಚ್ಛ. ಪ್ರತಿ ಕೋಣೆಯ ಮುಂದೆ ಡಸ್ಟ್ ಬಿನ್, ನೆಲದ ಕಸಗುಡಿಸಿ, ಒರೆಸಿ ಶುಚಿ ಮಾಡಿದ ಆಸ್ಪತ್ರೆ ಸಿಬ್ಬಂದಿ. ಅಬ್ಬಾ ಇದೇನು ಈ ಜಿಲ್ಲಾಸ್ಪತ್ರೆ ಇಷ್ಟೊಂದು ಕ್ಲೀನ್ ಅಂತಾ ಬೆರಗಾಗಬೇಡಿ. ಇದು ಕೇವಲ ಈ ದಿನಕ್ಕೆ ಮಾತ್ರ ಸೀಮಿತ.
ಗಬ್ಬೆದ್ದು ನಾರುತ್ತಿದ್ದ ಆಸ್ಪತ್ರೆ ಈಗ ಫಳಫಳ.!
ಜಿಲ್ಲಾಸ್ಪತ್ರೆ ಈ ರೀತಿ ದಿಢೀರ್ ಶುಚಿಯಾಗಲು ಕಾರಣ ಆರೋಗ್ಯ ಸಚಿವ ಬಿ.ಶ್ರೀರಾಮುಲು ಅವರ ಭೇಟಿ. ಎರಡು ದಿನದ ಜಿಲ್ಲಾ ಪ್ರವಾಸ ಕೈಗೊಂಡಿರುವ ಸಚಿವರು ಇಂದು ಸಂಜೆ ಜಿಲ್ಲಾಸ್ಪತ್ರೆಗೆ ಭೇಟಿ ನೀಡಲಿದ್ದಾರೆ. ರೋಗಿಗಳ ಕುಂದು-ಕೊರತೆಗಳನ್ನು ಆಲಿಸಲಿದ್ದು, ರಾತ್ರಿ ಆಸ್ಪತ್ರೆಯಲ್ಲೇ ವಾಸ್ತವ್ಯ ಹೂಡಲಿದ್ದಾರೆ. ಬುಧವಾರ ಮಲೆಮಹದೇಶ್ವರ ಬೆಟ್ಟಕ್ಕೆ ತೆರಳಿ ವಿಶೇಷ ಪೂಜೆ ಸಲ್ಲಿಸಲಿದ್ದಾರೆ.