ಚಾಮರಾಜನಗರ: ಮರಳುರಾಶಿ ನಡುವೆ ದ್ವಿಚಕ್ರ ವಾಹನ ಸವಾರರು ನಿರ್ಭೀತರಾಗಿ ಚಾಲನೆ ಮಾಡಲಾಗದೆ ಪ್ರಾಣ ಕೈಯಲ್ಲಿ ಹಿಡಿದು ಸಂಚರಿಸುತ್ತಿರುವ ದುಸ್ಥಿತಿ ಚಾಮರಾಜನಗರ-ಸತ್ಯಮಂಗಲಂ ರಾಷ್ಟ್ರೀಯ ಹೆದ್ದಾರಿಯಲ್ಲಿ ನಿರ್ಮಾಣವಾಗಿದೆ.
ಮೊದಲೇ ಸಮತಟ್ಟಾಗಿರದ ಈ ಅವೈಜ್ಞಾನಿಕ ರಾಷ್ಟ್ರೀಯ ಹೆದ್ದಾರಿಯ ಎರಡೂ ಬದಿ ಸಂಗ್ರಹವಾಗಿರುವ ಮರಳು ರಾಶಿ ವಾಹನ ಸವಾರರಿಗೆ ಮತ್ತೊಂದು ಫಜೀತಿ ಉಂಟು ಮಾಡಿದೆ.
ರಾಷ್ಟ್ರೀಯ ಹೆದ್ದಾರಿ ಮರಳುಮಯ....ವಾಹನ ಸವಾರರಿಗೆ ನಿತ್ಯ ಜೀವಭಯ
ಮಳೆ ಬಂದಾಗ ಚರಂಡಿ ನೀರು ತುಂಬಿ ಹರಿಯುವುದರಿಂದ ಈ ಮರಳಿನ ರಾಶಿ ನಿರ್ಮಾಣಗೊಂಡಿದ್ದು, ರಸ್ತೆಯ ಅರ್ಧಭಾಗದಲ್ಲಿ ಮರಳು ಸಂಗ್ರಹಣೆಯಾಗಿದೆ. ಎಡಗಡೆಗೆ ತೆರಳಿದರೆ ಮರಳಿನಲ್ಲಿ ಬೈಕ್ ನಿಯಂತ್ರಣ ತಪ್ಪುವ ಭಯ, ಬಲಗಡೆಗೆ ತಿರುಗಿದರೆ ಹಿಂದಿನಿಂದ ಬರುವ ಸರಕು ತುಂಬಿದ ಲಾರಿಗಳ ಭಯ. ಇಂಥ ಸಂದಿಗ್ಧ ಪರಿಸ್ಥಿತಿಯಲ್ಲಿ ವಾಹನ ಸವಾರರು ಸಿಲುಕಿದ್ದಾರೆ.