ಚಾಮರಾಜನಗರ:ಕುಂದಕೆರೆ ವಲಯದಲ್ಲಿನ ಬೆಂಕಿಗೆ ಸಂಬಂಧಿಸಿದಂತೆ ಬಂಧಿತನಾಗಿರುವ ಆರೋಪಿ ಚಂದ್ರು ಬೆಂಕಿ ಹಾಕಲಿಲ್ಲ, ಬೀಡಿ ಸೇದಿ ಎಸೆದೆನಷ್ಟೆ ಎಂದು ಹೇಳಿದ್ದಾನೆ ಎಂದು ತಿಳಿದುಬಂದಿದೆ.
ಬಂಡೀಪುರ ಹುಲಿ ಸಂರಕ್ಷಿತ ಪ್ರದೇಶದ ಕುಂದಕೆರೆ ವಲಯದಲ್ಲಿ 10 ದಿನದ ಅಂತರದಲ್ಲಿ 3 ಬಾರಿ ಬೆಂಕಿಗೀಡಾಗಿ 200 ಎಕರೆ ಕಾಡು ಭಸ್ಮವಾಗಿದೆ. ಪ್ರಕರಣ ಸಂಬಂಧ ಬಂಧಿತನಾಗಿರುವ ಚೆಲುವರಾಯನಪುರದ ಚಂದ್ರು ತಾನು ಉದ್ದೇಶಪೂರ್ವಕವಾಗಿ ಬೆಂಕಿಯಿಟ್ಟಿಲ್ಲ ಎಂದಿದ್ದಾನೆ. ದಾರಿ ಬದಿಯಲ್ಲಿ ತೆರಳುತ್ತಿರಬೇಕಾದರೆ ಬೀಡಿ ಸೇದಿ ಬಿಸಾಡಿದ್ದೆ ಎಂದು ವಿಚಾರಣೆ ವೇಳೆ ಬಾಯ್ಬಿಟ್ಟಾನೆ ಎನ್ನಲಾಗ್ತಿದೆ.