ರಸ್ತೆ ಬದಿ ಅಂದರ್ ಬಾಹರ್: 9 ಮಂದಿ ಬಂಧನ, 5 ಬೈಕ್ ವಶ

ಚಾಮರಾಜನಗರದಲ್ಲಿ ಜೂಜಾಡುತ್ತಿದ್ದ 9 ಮಂದಿಯನ್ನು ಖಚಿತ ಮಾಹಿತಿ ಮೇರೆಗೆ ಪೊಲೀಸರು ಬಂಧಿಸಿದ್ದಾರೆ.

ಚಾಮರಾಜನಗರ: ರಸ್ತೆಬದಿ ಜೂಜಾಡುತ್ತಿದ್ದ 9 ಮಂದಿಯನ್ನು ಸಿಇಎನ್ ಪೊಲೀಸರು ಬಂಧಿಸಿರುವ ಘಟನೆ ಹನೂರು ಹೊರವಲಯದಲ್ಲಿ ನಡೆದಿದೆ.

ಮಾದೇಶ್, ಶಿವಮಲ್ಲು, ಕುಮಾರ್, ಜಡೇಸ್ವಾಮಿ, ಮಹೇಶ್ ಕುಮಾರ್, ಬಸವರಾಜು, ರಾಜು, ಸಿದ್ದು, ರವಿ ಬಂಧಿತರು. ರಸ್ತೆ ಬದಿ ಅಂದರ್- ಬಾಹರ್ ಆಡುತ್ತಿದ್ದ ಖಚಿತ ಮಾಹಿತಿ ಮೇರೆಗೆ‌ ಸಿಇಎನ್ ಪಿಐ ಮಹದೇವಶೆಟ್ಟಿ ನೇತೃತ್ವದ ತಂಡ ದಾಳಿ ನಡೆಸಿ ಜೂಜುಕೋರರನ್ನು ಬಂಧಿಸಿ ಹನೂರು ಪೊಲೀಸರ ವಶಕ್ಕೆ ನೀಡಿದ್ದಾರೆ‌.

ಆಟಕ್ಕಿಟ್ಟಿದ್ದ 39 ಸಾವಿರ ರೂ. ನಗದು, 5 ಬೈಕ್​ಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದು, ದಾಳಿ ವೇಳೆ ಪರಾರಿಯಾಗಿರುವ ಹಲವರ ಪತ್ತೆಗೆ ಬಲೆ ಬೀಸಲಾಗಿದೆ. ಹನೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.