ತೆಲಂಗಾಣ ಎನ್​ಕೌಂಟರ್ ರೀತಿ ನಿಮ್ಮನ್ನೂ ಮಾಡ್ಬೇಕು: ಬೈಕ್ ಕಳ್ಳರಿಗೆ ಎಸ್ಪಿ ಆನಂದ್​ ಕುಮಾರ್ ತಪರಾಕಿ!

ಶೋಕಿಗಾಗಿ ಬೈಕ್ ಕದ್ದ ಖದೀಮರನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸುವ ವೇಳೆ ಎಸ್ಪಿ ಆನಂದ್ ಕುಮಾರ್ ಕಳ್ಳರ ಹಿನ್ನೆಲೆ ವಿಚಾರಿಸಿ, ತಂದೆ-ತಾಯಿಗೂ ಕೆಟ್ಟ ಹೆಸರು ತರುತ್ತೀರಿ, ಸಾಲ ಮಾಡಿ ಬೈಕ್ ಕೊಂಡಿರುವರಿಗೂ ಹಿಂಸೆ ನೀಡುವ ನಿಮ್ಮನ್ನು ಎನ್ ಕೌಂಟರ್ ಮಾಡ್ಬೇಕು ಎಂದರು.

ಚಾಮರಾಜನಗರ: ತೆಲಂಗಾಣದಲ್ಲಿ ಎನ್ ಕೌಂಟರ್ ಮಾಡಿದಂತೆ ನಿಮ್ಮನ್ನು ಮಾಡಬೇಕು ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಹೆಚ್.ಡಿ.ಆನಂದ್​ ಕುಮಾರ್ ಬೈಕ್ ಕಳ್ಳರಿಗೆ ಚಳಿ ಬಿಡಿಸಿದರು.

ಶೋಕಿಗಾಗಿ ಬೈಕ್ ಕದ್ದ ಯಳಂದೂರು ತಾಲೂಕಿನ ಮಾಂಬಳ್ಳಿ ಗ್ರಾಮದ ಫಯಾಜ್, ಸಯ್ಯದ್ ನೂರ್, ಇನಾಯತ್ ಪಾಷಾ ಅವರನ್ನು ಬಂಧಿಸಿ ನ್ಯಾಯಾಲಯಕ್ಕೆ ಹಾಜರುಪಡಿಸುವ ವೇಳೆ ಆನಂದ್ ಕುಮಾರ್, ಕಳ್ಳರ ಹಿನ್ನೆಲೆ ವಿಚಾರಿಸಿ ತಂದೆ-ತಾಯಿಗೂ ಕೆಟ್ಟ ಹೆಸರು ತರುತ್ತೀರಿ, ಸಾಲ ಮಾಡಿ ಬೈಕ್ ಕೊಂಡಿರುವರಿಗೂ ಹಿಂಸೆ ನೀಡುವ ನಿಮ್ಮನ್ನು ಎನ್ ಕೌಂಟರ್ ಮಾಡ್ಬೇಕು ಎಂದು ಹೇಳಿ ಕ್ಲಾಸ್ ತೆಗೆದುಕೊಂಡರು.

ಇನ್ನು, ಕೊಳ್ಳೇಗಾಲ ಸೇರಿದಂತೆ ವಿವಿಧ ಠಾಣಾ ವ್ಯಾಪ್ತಿಯಲ್ಲಿ 9 ಬೈಕ್ ಗಳನ್ನು ಕೊಳ್ಳೇಗಾಲ ಪೊಲೀಸರು ವಶಪಡಿಸಿಕೊಂಡು ಹೆಚ್ಚಿನ ತನಿಖೆ ಕೈಗೊಂಡಿದ್ದಾರೆ.