ಕೇರಳ ರಸ್ತೆಯಲ್ಲಿ ಆನೆ ಕಂಡು ಬಿದ್ದ ಬೈಕ್ ಸವಾರ; ಮಾದಪ್ಪನ ಬೆಟ್ಟದಲ್ಲಿ ಕಾರಿಗೆ ಹೆದರಿ ಓಡಿದ ಚಿರತೆ - Viral video

ಬಂಡೀಪುರ ಹುಲಿ ಸಂರಕ್ಷಿತ ಪ್ರದೇಶದ ಮೂಲೆಹೊಳೆ ಚೆಕ್ ಪೋಸ್ಟ್ ವ್ಯಕ್ತಿಯನ್ನು ಆನೆಯೊಂದು ಓಡಿಸಿಕೊಂಡು ಹೋಗಿರುವ ವಿಡಿಯೋ ವೈರಲ್ ಆಗಿದೆ.

ಚಾಮರಾಜನಗರ:ಗುಂಡ್ಲುಪೇಟೆ-ಕೇರಳ ರಾಷ್ಟ್ರೀಯ ಹೆದ್ದಾರಿಯಲ್ಲಿ ರಸ್ತೆಬದಿ ನಿಂತಿದ್ದ ಆನೆಯೊಂದು ಬೈಕ್​ ಸವಾರನನ್ನು ಓಡಿಸಿಕೊಂಡು ಹೋಗಿದ್ದು, ವ್ಯಕ್ತಿ ಎದ್ನೋ ಬಿದ್ನೋ ಎಂದು ಓಡಿ ಹೋಗಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗ್ತಿದೆ.

ಕೆಲ ದಿನಗಳ ಹಿಂದೆ ಬಂಡೀಪುರ ಹುಲಿ ಸಂರಕ್ಷಿತ ಪ್ರದೇಶದ ಮೂಲೆಹೊಳೆ ಚೆಕ್ ಪೋಸ್ಟ್ ಸಮೀಪ ಘಟನೆ ನಡೆದಿದೆ. ರಸ್ತೆ ಬದಿಯಲ್ಲಿ ನಿಂತಿದ್ದ ಆನೆಯನ್ನು ಗಮನಿಸಿಯೂ ಬೈಕ್​ ಸವಾರ ತೆರಳಲು ಮುಂದಾಗಿದ್ದನು. ಈ ವೇಳೆ ಆನೆ ದಾಳಿ ಮಾಡಲು ಮುಂದಾಗಿದೆ. ಆಗ ಸವಾರ ಬೈಕ್ ಬಿಟ್ಟು ಓಡಿ ಹೋಗಿದ್ದಾನೆ. ಇದು ಪ್ರವಾಸಿಗರ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಸಾಕಷ್ಟು ವೈರಲ್​ ಆಗ್ತಿದೆ.

ಕಾರು ಕಂಡು ಓಡಿದ ಚಿರತೆ:

ಮಲೆಮಹದೇಶ್ವರ ಬೆಟ್ಟದಲ್ಲಿ ಕಾರನ್ನು ಕಂಡು ಬೆದರಿದ ಚಿರತೆಯೊಂದು ಕಾರಿನ ಮುಂದೆ ಓಡುತ್ತಿರುವ ವಿಡಿಯೋವನ್ನು ಭಕ್ತರೊಬ್ಬರು ಸೆರೆ ಹಿಡಿದಿದ್ದಾರೆ. ಸದ್ಯ ಈ ವಿಡಿಯೋ ಕೂಡ ವೈರಲ್​ ಆಗಿದೆ.