ಚಾಮರಾಜನಗರ: ತಾಯಿಯಿಂದ ತಪ್ಪಿಸಿಕೊಂಡ ಮರಿ ಆನೆಯೊಂದು ಶಾಲೆಗೆ ಬಂದು ಮಕ್ಕಳೊಟ್ಟಿಗೆ ಆಟವಾಡಿರುವ ಅಪರೂಪದ ಘಟನೆ ಯಳಂದೂರು ತಾಲೂಕಿನ ಪುರಾಣಿಪೋಡಿನ ವಸತಿ ಶಾಲೆಯಲ್ಲಿ ಭಾನುವಾರ ನಡೆಯಿತು. ಬಿಳಿಗಿರಿರಂಗನ ಬೆಟ್ಟ ಅರಣ್ಯ ಪ್ರದೇಶದಲ್ಲಿ ಅಮ್ಮನಿಂದ ಬೇರ್ಪಟ್ಟ ಗಂಡು ಮರಿಯಾನೆ ಪುರಾಣಿಪೋಡಿನ ವಸತಿ ಶಾಲೆ ಆವರಣದಲ್ಲಿ ಕಾಣಿಸಿಕೊಂಡಿದೆ.
ಆನೆ ಬಂತೊಂದಾನೆ, ಯಾವೂರಾನೆ...
ಆನೆ ಕಂಡದ್ದೇ ತಡ ಶಾಲಾ ಮಕ್ಕಳಂತೂ ಫುಲ್ ಖುಷ್‌!. ಮಕ್ಕಳು ಆಡಿ ನಲಿದಾಡಿದರು. ಮನುಷ್ಯರನ್ನೇ ಕಾಣದ ಮರಿಯಾನೆಯೂ ಕೂಡಾ ಹೊಸ ಸ್ನೇಹಿತರೊಟ್ಟಿಗೆ ಸಮಯ ಕಳೆದು ಕೊಟ್ಟ ಹಾಲು ಕುಡಿದು ಸಂಭ್ರಮಿಸಿತು. ಮಕ್ಕಳಂತೂ ಬಾಳೆಹಣ್ಣು ತಿನ್ನಿಸಿ 'ಆನೆ ಬಂತೊಂದಾನೆ, ಯಾವೂರಾನೆ' ಎಂದು ಹಾಡಿ ಮರಿಯೊಟ್ಟಿಗೆ ಖುಷಿಪಟ್ಟರು.