ಚಾಮರಾಜನಗರ: ಅಬ್ಬಾ! ಏನು ಆ ಹೊಳಪಿನ ಕಣ್ಣು, ಮೈ ನಡುಕವುಂಟು ಮಾಡುವ ಭಾರೀ ಗಾತ್ರದ ದೇಹ, ತಡೆಗೋಡೆಯನ್ನೇ ಸಿಂಹಾಸನ ಮಾಡಿಕೊಂಡು ಕುಳಿತು, ಎಂತಹವರಿಗೂ ಕ್ಷಣಕಾಲ ಮೈ ಬೆವರುವಂತೆ ಮಾಡುವ ಚಿರತೆಯ ವಿಡಿಯೋ ಈಟಿವಿ ಭಾರತಕ್ಕೆ ಲಭ್ಯವಾಗಿದೆ.
ಭಾರೀ ಗಾತ್ರದ ಚಿರತೆಯೊಂದು ಬೆಂಗಳೂರು-ಕೊಯಂಬತ್ತೂರು ರಾಷ್ಟ್ರೀಯ ಹೆದ್ದಾರಿಯ ತಮಿಳುನಾಡಿಗೆ ಒಳಪಡುವ ದಿಂಬಂನ 24ನೇ ತಿರುವಿನ ತಡೆಗೋಡೆ ಮೇಲೆ ಕುಳಿತಿತ್ತು. ಇದೇ ರಸ್ತೆಯಲ್ಲಿ ಸಾಗುತ್ತಿದ್ದ ವಾಹನ ಸವಾರರ ಕಣ್ಣಿಗೆ ಅಕಸ್ಮಾತಾಗಿ ಬಿದ್ದ ಚಿರತೆಯ ವಿಡಿಯೋವನ್ನು ಸೆರೆ ಹಿಡಿದಿದ್ದಾರೆ.