ಕೊಳ್ಳೇಗಾಲ: ಗಂಡನನ್ನು ಹೂ ತರಲು ಕಳುಹಿಸಿದ ಪತ್ನಿ ಕೆಲ ಕ್ಷಣಗಳಲ್ಲೇ ನಾಪತ್ತೆ!

ಗಂಡನನ್ನು ಹೂ ತರಲು ಕಳುಹಿಸಿದ ಹೆಂಡತಿ ನಾಪತ್ತೆಯಾಗಿರುವ ಘಟನೆ ಚಾಮರಾಜನಗರ ಜಿಲ್ಲೆಯ ಕೊಳ್ಳೇಗಾಲದಲ್ಲಿ ನಡೆದಿದೆ.

ಚಾಮರಾಜನಗರ: ಪತಿಯನ್ನು ಹೂ ತರಲು ಕಳುಹಿಸಿd ಕೆಲ ಕ್ಷಣಗಳಲ್ಲೇ ಪತ್ನಿ ನಾಪತ್ತೆಯಾಗಿರುವ ಘಟನೆ ಕೊಳ್ಳೇಗಾಲದಲ್ಲಿ ನಡೆದಿದೆ.

ರಂಜಿತಾ(22) ನಾಪತ್ತೆಯಾಗಿರುವ ಗೃಹಿಣಿ. ಮೂಲತಃ ಯಳಂದೂರು ತಾಲೂಕಿನ ಗೂಳಿಪುರ ಗ್ರಾಮದವಳಾದ ಈಕೆ ಮುಡುಕುತೊರೆ ದೇಗುಲದಲ್ಲಿ ಪೂಜೆ ಮುಗಿಸಿಕೊಂಡು ಹಿಂತಿರುಗುತ್ತಿದ್ದರು. ಕೊಳ್ಳೇಗಾಲದ ಮಸೀದಿ ವೃತ್ತದ ಬಳಿ ಸಂಬಂಧಿಕರಿಗೆ ಪ್ರಸಾದ ನೀಡಲು ಇನ್ನಷ್ಟು ಹೂವು ಬೇಕಿದೆ ಎಂದು ಪತಿ ಬಸವಣ್ಣನನ್ನು ಹೂ ತರಲು ಕಳುಹಿಸಿದ್ದರು ಎಂದು ತಿಳಿದುಬಂದಿದೆ.

ಬಸವಣ್ಣ ವಾಪಸ್​ ಬರುವಷ್ಟರಲ್ಲಿ ರಂಜಿತಾ ಕಾಣೆಯಾಗಿದ್ದಾರೆ. ಸದ್ಯ ಕೊಳ್ಳೇಗಾಲ ಠಾಣೆಯಲ್ಲಿ ಈ ಕುರಿತು ನಾಪತ್ತೆ ಪ್ರಕರಣ ದಾಖಲಾಗಿದೆ.