ಚಾಮರಾಜನಗರ: ಕಳೆದ 3 ವರ್ಷದಲ್ಲಿ ಆತ್ಮಹತ್ಯೆಗೆ ಶರಣಾದರು 309 ಮಂದಿ...!

ಚಾಮರಾಜನಗರ ಜಿಲ್ಲೆಯಲ್ಲಿ(chamrajnagar) ನಾನಾ ಕಾರಣಗಳಿಂದ ಕಳೆದ 3 ವರ್ಷದಲ್ಲಿ 309 ಮಂದಿ ಆತ್ಮಹತ್ಯೆಗೆ(suicide) ಶರಣಾಗಿದ್ದಾರೆ.

ಚಾಮರಾಜನಗರ: ಮಾನಸಿಕ‌ ಖಿನ್ನತೆ, ಕೌಟಂಬಿಕ‌ ಕಲಹ, ಸಾಲಬಾಧೆ ಸೇರಿದಂತೆ ಹಲವು ಕಾರಣಗಳಿಂದ ಜಿಲ್ಲೆಯಲ್ಲಿ ಕಳೆದ ಮೂರು ವರ್ಷದಲ್ಲಿ 309 ಮಂದಿ ಆತ್ಮಹತ್ಯೆ(chamarajanagar suicide cases) ಮಾಡಿಕೊಂಡಿರುವ ಮಾಹಿತಿ ಈಟಿವಿ ಭಾರತಕ್ಕೆ ಲಭ್ಯವಾಗಿದೆ.

ERSS-112ನಿಂದ ಆತ್ಮಹತ್ಯೆಗೆ ಯತ್ನಿಸಿದವರ ರಕ್ಷಣೆ

ಚಾಮರಾಜನಗರ ಪೊಲೀಸ್ ಠಾಣೆಗಳಲ್ಲಿ(chamarajanagar police stations) ದಾಖಲಾಗಿರುವ FIR ಪ್ರಕಾರ 2019ರಲ್ಲಿ 91 ಮಂದಿ ಆತ್ಮಹತ್ಯೆ(suicide) ಮಾಡಿಕೊಂಡಿದ್ದರು. ಈ ಸಂಖ್ಯೆ 2020ರಲ್ಲಿ ಹೆಚ್ಚಾಯಿತು. ಕೋವಿಡ್, ಲಾಕ್‌ಡೌನ್ ವೇಳೆ ವ್ಯಾಪಾರ - ವಹಿವಾಟು ತಲೆಕೆಳಗಾಗಿದ್ದ 2020ರಲ್ಲಿ 119 ಮಂದಿ ಪ್ರಾಣ ಕಳೆದುಕೊಂಡಿದ್ದರೆ, 2021ರ ಅಕ್ಟೋಬರ್ ಅಂತ್ಯದವರೆಗೆ 99 ಮಂದಿ ಆತ್ಮಹತ್ಯೆಗೆ(people committed suicide) ಶರಣಾಗಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ERSS-112ನಿಂದ ಆತ್ಮಹತ್ಯೆಗೆ ಯತ್ನಿಸಿದವರ ರಕ್ಷಣೆ

ಆತ್ಮಹತ್ಯೆ ಮಾಡಿಕೊಂಡವರ ಪೈಕಿ ಸಾಕಷ್ಟು ಮಂದಿಯದ್ದು ಮಾನಸಿಕ ಖಿನ್ನತೆ, ಕೌಟುಂಬಿಕ ಕಲಹ, ಸಾಲಬಾಧೆ, ಪ್ರೇಮ ವೈಫಲ್ಯ, ಅಕ್ರಮ ಸಂಬಂಧ ಬಹಿರಂಗ ಕಾರಣಗಳನ್ನು ಹೆಸರಿಸಿ ದೂರುಗಳು ದಾಖಲಾಗಿವೆ.

ಇದನ್ನೂ ಓದಿ:ಯುವತಿ ವಿಚಾರ: ವ್ಯಕ್ತಿಯನ್ನು ವಿದ್ಯುತ್​ ಕಂಬಕ್ಕೆ ಕಟ್ಟಿ ಸಾಮೂಹಿಕ ಹಲ್ಲೆ..VIDEO

ಚಾಮರಾಜನಗರ ತಾಲೂಕಿನ ಹೆಚ್. ಮೂಕಳ್ಳಿ ಗ್ರಾಮದಲ್ಲಿ ಒಂದೇ ಕುಟುಂಬದ ನಾಲ್ವರು ಇದೇ ವರ್ಷ ಜೂನ್ ತಿಂಗಳ 2 ರಂದು ನೇಣು ಬಿಗಿದುಕೊಂಡು ಸಾಮೂಹಿಕವಾಗಿ ಆತ್ಮಹತ್ಯೆಗೆ ಶರಣಾಗಿದ್ದರು. ಗ್ರಾಮದ ಮಹದೇವಪ್ಪ (47) , ಅವರ ಪತ್ನಿ ಮಂಗಳಮ್ಮ (40) , ಅವರ ಮಕ್ಕಳಾದ ಜ್ಯೋತಿ (14), ಶ್ರುತಿ (12) ಪ್ರಾಣ ಕಳೆದುಕೊಂಡಿದ್ದರು.

ಇವರ ಆತ್ಮಹತ್ಯೆಗೆ ಒಂದು ಕಡೆ ಕೋವಿಡ್ ಮತ್ತೊಂದು ಕಡೆ ಸಾಲಬಾಧೆ ಕಾರಣ ಎಂದು ಹೇಳಲಾಗಿತ್ತು. ಹಾಗಾಗಿ ಮಾನಸಿಕ‌ ಆರೋಗ್ಯದ ಬಗ್ಗೆ ಜನರಿಗೆ ಜಾಗೃತಿ‌ ಮೂಡಿಸಬೇಕಾದ ತುರ್ತು ಅಗತ್ಯವನ್ನು ಅಂಕಿ-ಅಂಶ ಸಾರುತ್ತಿದೆ.

ERSS-112ನಿಂದ ಹತ್ತಾರು ಮಂದಿಯ ರಕ್ಷಣೆ:

ರೈಲ್ವೆ ನಿಲ್ದಾಣದಲ್ಲಿ, ಜಲಾಶಯ, ಕೆರೆಗಳಲ್ಲಿ ಆತ್ಮಹತ್ಯೆಗೆ ಯತ್ನಿಸಿದವರನ್ನು ERSS112 ಸಹಾಯವಾಣಿಯ ಪೊಲೀಸರು ಬದುಕಿಸಿರುವ ಹತ್ತಾರು ಘಟನೆಗಳು ನಡೆದಿವೆ. ಕೆಲವೊಮ್ಮೆ, ಕೆರೆಗಳನ್ನು ಆಧರಿಸಿ ಮರ ಹತ್ತಿದವರನ್ನು ಹಾಗೂ ವಿಷ ಕುಡಿದವರನ್ನು ಪೊಲೀಸರು ಬದುಕಿಸಿ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.