ನಿಲ್ಲದ ಮರಣ ಮೃದಂಗ: ಚಾಮರಾಜನಗರ‌ ಜಿಲ್ಲಾಸ್ಪತ್ರೆಯಲ್ಲಿ 24 ತಾಸಲ್ಲಿ 17 ಮಂದಿ ಸಾವು..!

ಮಂಗಳವಾರ ಸಂಜೆ 6 ಗಂಟೆಯಿಂದ ಬುಧವಾರ ಸಂಜೆ 6 ರವರೆಗೆ ಒಟ್ಟು 17 ಮಂದಿ ಅಸುನೀಗಿದ್ದು ಇವರಲ್ಲಿ ಕೋವಿಡ್​ಗೆ 10 ಮಂದಿ, 7 ಮಂದಿ ನಾನ್ ಕೋವಿಡ್ ರೋಗಿಗಳು ಮೃತಪಡುವ ಮೂಲಕ ಮತ್ತೇ ಆತಂಕ ಸೃಷ್ಟಿಯಾಗಿದೆ.

ಚಾಮರಾಜನಗರ: ಕೆಲ ದಿನಗಳಿಂದ ಇಳಿಕೆ ಕಂಡಿದ್ದ ಸಾವಿನ ಪ್ರಮಾಣ ಇಂದು ಮತ್ತೇ ಏರಿಕೆ ಕಂಡಿದ್ದು ಚಾಮರಾಜನಗರ ಜಿಲ್ಲಾಸ್ಪತ್ರೆಯಲ್ಲಿ ಕಳೆದ 24 ತಾಸಲ್ಲಿ 17 ಮಂದಿ ಮೃತಪಟ್ಟಿದ್ದಾರೆ‌.

ಮಂಗಳವಾರ ಸಂಜೆ 6 ಗಂಟೆಯಿಂದ ಬುಧವಾರ ಸಂಜೆ 6 ರವರೆಗೆ ಒಟ್ಟು 17 ಮಂದಿ ಅಸುನೀಗಿದ್ದು ಇವರಲ್ಲಿ ಕೋವಿಡ್​ಗೆ 10 ಮಂದಿ, 7 ಮಂದಿ ನಾನ್ ಕೋವಿಡ್ ರೋಗಿಗಳು ಮೃತಪಡುವ ಮೂಲಕ ಮತ್ತೇ ಆತಂಕ ಸೃಷ್ಟಿಯಾಗಿದೆ.

ಇನ್ನು, ಇಂದು 208 ಮಂದಿಗೆ ಕೋವಿಡ್ ದೃಢವಾಗಿದ್ದು 163 ಮಂದಿ ಮಹಾಮಾರಿಯಿಂದ ಗುಣಮುಖರಾಗಿದ್ದಾರೆ. ಸಕ್ರಿಯ ಪ್ರಕರಣಗಳ ಸಂಖ್ಯೆ 2835 ಇದ್ದು, ಹೋಂ‌ ಐಸೋಲೇಷನ್​ನಲ್ಲಿ 534 ಮಂದಿ ಇದ್ದಾರೆ. 3120 ಮಂದಿ ಪ್ರಾಥಮಿಕ ಹಾಗೂ ದ್ವಿತೀಯ ಸಂಪರ್ಕಿತರ ಮೇಲೆ ಆರೋಗ್ಯ ಇಲಾಖೆ ನಿಗಾ ಇಟ್ಟಿದೆ.

ಇದನ್ನು ಓದಿ:ಚಾಮರಾಜನಗರ ಆಕ್ಸಿಜನ್ ದುರಂತ: ಸಂತ್ರಸ್ತರ ಕುಟುಂಬಕ್ಕೆ ತಲುಪಿದ ತಲಾ 2 ಲಕ್ಷ ರೂ. ಪರಿಹಾರ