ಐಎಂಎ‌ ಗ್ರೂಪ್ ನಿರ್ದೇಶಕ‌ನ‌ ಮನೆ ಮೇಲೆ ಎಸ್ಐಟಿ ದಾಳಿ... ಫಾರ್ಚೂನರ್ ಕಾರು ಜಪ್ತಿ

ಐಎಂಎ‌ ಗ್ರೂಪ್ ನಿರ್ದೇಶಕರಲ್ಲಿ ಓರ್ವರಾದ ಮುಜಾಹಿದ್ದೀನ್ ಮನೆ ಮೇಲೆ ವಿಶೇಷ ತನಿಖಾ ತಂಡ ದಾಳಿ ನಡೆಸಿ ಕಾರು ಸೇರಿದಂತೆ ಮಹತ್ವದ ದಾಖಲಾತಿಗಳನ್ನು ವಶಕ್ಕೆ ಪಡೆದುಕೊಂಡಿದೆ.

ಬೆಂಗಳೂರು: ಐಎಂಎ‌ ಗ್ರೂಪ್ ನಿರ್ದೇಶಕರಲ್ಲಿ ಓರ್ವರಾದ ಮುಜಾಹಿದ್ದೀನ್ ಮನೆ ಮೇಲೆ ವಿಶೇಷ ತನಿಖಾ ತಂಡ ದಾಳಿ ನಡೆಸಿ ಕಾರು ಸೇರಿದಂತೆ ಮಹತ್ವದ ದಾಖಲಾತಿಗಳನ್ನು ವಶಕ್ಕೆ ಪಡೆದುಕೊಂಡಿದೆ.

ಪ್ರೇಜರ್ ಟೌನ್​ನ ಎಂಎಂ ರಸ್ತೆಯಲ್ಲಿರುವ ಮುಜಾಹಿದ್ದೀನ್ ಮನೆ ಮೇಲೆ ಎಸ್ಐಟಿ ತನಿಖಾಧಿಕಾರಿ ಡಿಸಿಪಿ ಗಿರೀಶ್ ಮತ್ತು ಇಬ್ಬರು ಡಿವೈಎಸ್​ಪಿ ನೇತೃತ್ವದಲ್ಲಿ ದಾಳಿ‌ ನಡೆಸಿ ಮುಜಾಹಿದ್ದೀನ್​ಗೆ ಸೇರಿದ ಫಾರ್ಚೂನರ್ ಕಾರನ್ನು ವಶಕ್ಕೆ ಪಡೆದುಕೊಳ್ಳಲಾಗಿದೆ. ಈ ವೇಳೆ ಕಾರಿನ‌ ಡಿಕ್ಕಿಯಲ್ಲಿದ್ದ ಬುಕ್ಸ್ , ಡೈರಿ, ರೆಕಾರ್ಡ್ಸ್ ಪರಿಶೀಲನೆ ನಡೆಸಿದ್ದಾರೆ. ಮುಜಾಹಿದ್ದೀನ್ ಐಎಂಎ ಸಂಸ್ಥೆಯ ನಿರ್ದೇಶಕ ಜೊತೆಗೆ ಬಿಬಿಎಂಪಿಯ ನಾಮ ನಿರ್ದೇಶಕ ಸದಸ್ಯನಾಗಿದ್ದಾನೆ ಎಂದು ತಿಳಿದು ಬಂದಿದೆ.