ಬಸವಕಲ್ಯಾಣದಲ್ಲಿ ದಸರಾ ಪ್ರಯುಕ್ತ ಮಹಿಳಾ ಕಬಡ್ಡಿ ಪಂದ್ಯಾವಳಿ

ಬೀದರ್​ ಜಿಲ್ಲೆಯ ಬಸವಕಲ್ಯಾಣದಲ್ಲಿ ದಸರಾ ಹಬ್ಬದ ಪ್ರಯುಕ್ತ ಮಹಿಳಾ ಕಬಡ್ಡಿ ಪಂದ್ಯಾವಳಿ ಏರ್ಪಡಿಸಲಾಗಿತ್ತು.

ಬಸವಕಲ್ಯಾಣ: ದಸರಾ ಹಬ್ಬದ ನಿಮಿತ್ತ ತಾಲೂಕಿನ ಯರಂಡಗಿ ಗ್ರಾಮದಲ್ಲಿ ಜೈ ಭವಾನಿ ಗೆಳೆಯರ ಬಳಗದ ವತಿಯಿಂದ ಅಂತರ್​ ರಾಜ್ಯ ಮಟ್ಟದ ಮಹಿಳಾ ಕಬಡ್ಡಿ ಪಂದ್ಯಾವಳಿ ಜರುಗಿತು.

ಟೂರ್ನಿಯಲ್ಲಿ ಪ್ರಥಮ ಸ್ಥಾನ ಪಡೆದ ಬೆಳಗಾವಿಯ ಚಿಂನಚಳಿ ಜೈ ಮಾಕಾಲಿ ತಂಡಕ್ಕೆ ತಾಜೋದ್ದಿನ್ ಮುಲ್ಲಾ 15 ಸಾವಿರ ರೂ., ದ್ವೀತಿಯ ಸ್ಥಾನ ಪಡೆದ ಭಾಲ್ಕಿಯ ಚನ್ನಬಸವ ತಂಡಕ್ಕೆ ಸದಾನಂದ ಹಳ್ಳೆ 8 ಸಾವಿರ ರೂ. ಹಾಗೂ ತೃತೀಯ ಸ್ಥಾನ ಪಡೆದ ಬೆಳಗಾವಿಯ ರಾಯಬಾಗ್​ನ ತಂಡಕ್ಕೆ ಸೂರ್ಯಕಾಂತ ಗುಜ್ಜೆ 5 ಸಾವಿರ ರೂ. ಹಾಗೂ ಟ್ರೋಫಿ ವಿತರಿಸಿದರು.

ನಾಲ್ಕನೇ ಸ್ಥಾನ ಪಡೆದ ಕರ್ನೂಲ್ ತಂಡಕ್ಕೆ 3 ಸಾವಿರ ರೂ. ನಗದು ಬಹುಮಾನದ ಜೊತೆಗೆ ಟ್ರೋಫಿ ನೀಡಿ ಪ್ರೋತ್ಸಾಹಿಸಲಾಯಿತು. ಇದೇ ವೇಳೆ ಉತ್ತಮ ಪ್ರದರ್ಶನ ನೀಡಿದ ಆಟಗಾರ್ತಿಯರಿಗೆ ರಾಜಕುಮಾರ ರಾಜೋಳೆ ತಲಾ 1 ಸಾವಿರ ರೂ. ಬಹುಮಾನ ನೀಡಿ ಪ್ರೋತ್ಸಾಹಿಸಿದರು.