ರೆಡ್ ಅಲರ್ಟ್ ಏರಿಯಾದಲ್ಲಿ ಜನಸಂಚಾರ.. ಹೀಗಾದ್ರೆ ಕೊರೊನಾ ನಿಯಂತ್ರಿಸುವುದು ಹೇಗೆ?

ಅಂಬೇಡ್ಕರ್ ವೃತ್ತದಿಂದ ಒಲ್ಡ್ ಸಿಟಿ ಭಾಗದಲ್ಲಿ ಮಹಿಳೆಯರು, ಮಕ್ಕಳು ಬೈಕ್ ಸವಾರರು ರಸ್ತೆಗಿಳಿದಿದ್ದಾರೆ. ಅಲ್ಲಲ್ಲಿ ಇರುವ ಪೊಲೀಸ್ ಸಿಬ್ಬಂದಿ ಕಂಡರೂ ಕಾಣದಂತೆ ಸುಮ್ಮನಾಗಿರುವುದು ಆತಂಕ ಮೂಡಿಸಿದೆ.

ಬೀದರ್: ನಗರದ ಓಲ್ಡ್ ಸಿಟಿಯಲ್ಲಿ 11 ಜನರಲ್ಲಿ ಕೊರೊನಾ ವೈರಸ್ ಸೋಂಕು ದೃಢವಾಗ್ತಿದ್ದಂತೆ ಜಿಲ್ಲಾಡಳಿತ ಈ ಭಾಗವನ್ನು ಸಾರ್ವಜನಿಕ ಸಂಚಾರ ನಿಷೇಧಿತ ಪ್ರದೇಶ ಎಂದು ಮಾಡಿದ ಘೋಷಣೆ ವಿಫಲವಾಗಿದೆ. ಯಾಕಂದ್ರೆ, ಜನರು ಎಂದಿನಂತೆ ರಸ್ತೆಯಲ್ಲಿ ಓಡಾಡುತ್ತಿದ್ದಾರೆ.

ನಗರದ ಉಸ್ಮನಾಗಂಜ್​​,ಶಹಗಂಜ್​​,ಗವಾನ್ ಚೌಕ್ ಸೇರಿ ಒಲ್ಡ್ ಸಿಟಿಯ ಭಾಗವನ್ನು ರೆಡ್‌ಝೋನ್ ಎಂದು ಘೋಷಣೆ ಮಾಡಿ ಈ ಪ್ರದೇಶದ ಮೂರು ಕಿಲೋಮೀಟರ್ ಪ್ರದೇಶದಲ್ಲಿ ಸಾರ್ವಜನಿಕ ಸಂಚಾರಕ್ಕೆ ನಿರ್ಬಂಧ ಹೇರಲಾಗಿತ್ತು. ಅಗತ್ಯ ವಸ್ತುಗಳನ್ನು ಜಿಲ್ಲಾಡಳಿತವೇ ಸರಬರಾಜು ಮಾಡಲು ಕ್ರಮಕೈಗೊಳ್ಳಲಾಗಿತ್ತು. ಆದರೆ, ಕಳೆದ ಎರಡು ದಿನಗಳ ಕಾಲ ಬಿಗಿಯಾಗಿದ್ದ ಬಂದೋಬಸ್ತ್​​ ಮೂರನೇ ದಿನವಾದ ಇಂದು ವಿಫಲವಾಗಿರುವುದು ಕಂಡು ಬಂದಿದೆ.ಅಂಬೇಡ್ಕರ್ ವೃತ್ತದಿಂದ ಒಲ್ಡ್ ಸಿಟಿ ಭಾಗದಲ್ಲಿ ಮಹಿಳೆಯರು, ಮಕ್ಕಳು ಬೈಕ್ ಸವಾರರು ರಸ್ತೆಗಿಳಿದಿದ್ದಾರೆ. ಅಲ್ಲಲ್ಲಿ ಇರುವ ಪೊಲೀಸ್ ಸಿಬ್ಬಂದಿ ಕಂಡರೂ ಕಾಣದಂತೆ ಸುಮ್ಮನಾಗಿರುವುದು ಆತಂಕ ಮೂಡಿಸಿದೆ.

ದೆಹಲಿ ಜಮಾತ್​​ಗೆ ಹೋಗಿ ಬಂದ ಒಟ್ಟು 27 ಜನರ ಪೈಕಿ 11 ಜನರಲ್ಲಿ ಸೋಂಕು ಪತ್ತೆಯಾಗಿದೆ. ಅದರಲ್ಲೂ ಒಲ್ಡ್ ಸಿಟಿಯಲ್ಲೇ 9 ಜನ ಸೋಂಕಿತರಿದ್ದಾರೆ. ಇವರ ಸಂಪರ್ಕದಲ್ಲಿರುವ ಒಟ್ಟು 82 ಜನರನ್ನು ಹೊಂ ಕ್ವಾರಂಟೈನ್‌ನಲ್ಲಿಡಲಾಗಿದೆ‌‌.