ಅನಧಿಕೃತ ಧಾರ್ಮಿಕ ಕಟ್ಟಡಗಳ ಸಾಮೂಹಿಕ ತೆರವು...!

ಅನಧಿಕೃತವಾಗಿ ನಿರ್ಮಿಸಲಾದ ಧಾರ್ಮಿಕ ಕಟ್ಟಡಗಳನ್ನು ನಗರಸಭೆಯಿಂದ ಸಾಮೂಹಿಕವಾಗಿ ತೆರವುಗೊಳಿಸಿದ ಘಟನೆ ಬೀದರ್​​ ನಗರದ ನೌಬಾದ್​​ನಲ್ಲಿ ನಡೆದಿದೆ.

ಬೀದರ್:ಹೊಸ ಲೇಔಟ್ ಹಾಗೂ ಸಾರ್ವಜನಿಕ ಬಳಕೆಯ ರಸ್ತೆಗಳಲ್ಲಿ ಅನಧಿಕೃತವಾಗಿ ನಿರ್ಮಿಸಲಾದ ಧಾರ್ಮಿಕ ಕಟ್ಟಡಗಳನ್ನು ನಗರಸಭೆಯಿಂದ ಸಾಮೂಹಿಕವಾಗಿ ತೆರವುಗೊಳಿಸಲಾಯಿತು.

ನಗರದ ನೌಬಾದ್ ಭಾಗದಲ್ಲಿ ತಲೆ ಎತ್ತಿದ ಕಟ್ಟಡಗಳನ್ನು ತೆರವುಗೊಳಿಸುವಂತೆ ಹಲವು ಬಾರಿ ನಗರಸಭೆ ನೋಟಿಸ್ ಜಾರಿ ಮಾಡಿತ್ತು. ನೋಟಿಸ್​ಗೆ ಸ್ಪಂದಿಸದಕ್ಕೆ ನಗರಸಭೆ ಆಯುಕ್ತ ಬಿ. ಬಸಪ್ಪ, ತಹಶೀಲ್ದಾರ್ ಕಿರ್ತನಾ ಅವರ ತಂಡ ತೆರವುಗೊಳಿಸುವ ಕಾರ್ಯಕ್ಕೆ ಮುಂದಾಗಿದೆ.

ಬೀದರ್ ಹೊರ ವಲಯದಲ್ಲಿ, ಅಲ್ಲಲ್ಲಿ ಇದ್ದ 18 ಅನಧಿಕೃತ ಧಾರ್ಮಿಕ ಕಟ್ಟಡಗಳನ್ನು ಜಿಲ್ಲಾಡಳಿತ ತೆರವುಗೊಳಿಸಿದೆ.