ಬಸವಕಲ್ಯಾಣ: ಚಲಿಸುತಿದ್ದ ಟ್ರ್ಯಾಕ್ಟ್ರರ್​ನಿಂದ ಬಿದ್ದು ಚಾಲಕ ಸಾವು!

ಅಡ್ಡಾದಿಡ್ಡಿ ಓಡಲು ಶುರುಮಾಡಿದ ಟ್ರಾಕ್ಟ್ರರ್​ನಿಂದ ಪ್ರಾಣ ರಕ್ಷಿಸಿಕೊಳ್ಳುವ ಪ್ರಯತ್ನದಲ್ಲಿ ಕೆಳಗೆ ಹಾರಿದ ಚಾಲಕ ಟ್ರಾಕ್ಟ್ರರ್​ ಚಕ್ರಕ್ಕೆ ಸಿಲುಕಿ ಮೃತಪಟ್ಟಿರುವ ಘಟನೆ ಬೀದರ್​ನಲ್ಲಿ ನಡೆದಿದೆ.

ಬಸವಕಲ್ಯಾಣ(ಬೀದರ್​):ನಿಯಂತ್ರಣ ತಪ್ಪಿ ಚಲಿಸುತಿದ್ದ ಟ್ರ್ಯಾಕ್ಟ್ರರ್​ನಿಂದ ಬಿದ್ದು ಚಾಲಕ ಮೃತಪಟ್ಟ ಘಟನೆ ತಾಲೂಕಿನ ಬಂಡಗರವಾಡಿ ಸಮಿಪ ನಡೆದಿದೆ.

ತಾಲೂಕಿನ ಕೋಹಿನೂರವಾಡಿ ಗ್ರಾಮದ ಸಾಯಿಬಣ್ಣ ಈರಣ್ಣ ಜಮಾದಾರ (34) ಮೃತ ಟ್ರ್ಯಾಕ್ಟ್ರರ್ ಚಾಲಕ. ತಗ್ಗು ಗುಂಡಿಗಳಿಂದ ಕೂಡಿದ ರಸ್ತೆಯಲ್ಲಿ ಟ್ರ್ಯಾಕ್ಟ್ರರ್​ ಚಾಲನೆ ಮಾಡಿಕೊಂಡು ಬರುತಿದ್ದ ವೇಳೆ ನಿಯಂತ್ರಣ ತಪ್ಪಿ ಅಡ್ಡಾದಿಡ್ಡಿ ಓಡಲು ಶುರುಮಾಡಿದೆ. ಪ್ರಾಣ ರಕ್ಷಿಸಿಕೊಳ್ಳುವ ಪ್ರಯತ್ನದಿಂದ ಟ್ರ್ಯಾಕ್ಟ್ರರ್​ನಿಂದ ಈರಣ್ಣ ಜಿಗಿದಿದ್ದಾನೆ. ಆದರೆ ಚಕ್ರಕ್ಕೆ ಸಿಲುಕಿ ಈರಣ್ಣ ಮೃತಪಟ್ಟಿದ್ದಾನೆ ಎಂದು ತಿಳಿದು ಬಂದಿದೆ.

ಈ ಕುರಿತು ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಸಿಪಿಐ ಮಹೇಶಗೌಡ ಪಾಟೀಲ, ಪಿಎಸ್‌ಐ ಅರುಣಕುಮಾರ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದಾರೆ.