ಬಸವಕಲ್ಯಾಣ: ಹಾವು ಕಚ್ಚಿ ರೈತ ಸಾವು

ಯುವ ರೈತನೊಬ್ಬ ಹಾವು ಕಡಿದು ಮೃತಪಟ್ಟಿರುವ ಘಟನೆ ಬಸವಕಲ್ಯಾಣದ ಹುಲಸೂರ ಪಟ್ಟಣದಲ್ಲಿ ನಡೆದಿದೆ.

ಬಸವಕಲ್ಯಾಣ: ಕೃಷಿ ಚಟುವಟಿಕೆಯಲ್ಲಿ ತೊಡಗಿದ್ದ ವೇಳೆ ಹಾವು ಕಚ್ಚಿದ ಪರಿಣಾಮ ಯುವ ರೈತನೊಬ್ಬ ಮೃತಪಟ್ಟ ಘಟನೆ ನೂತನ ತಾಲೂಕು ಕೇಂದ್ರವಾಗಿರುವ ಹುಲಸೂರ ಪಟ್ಟಣದಲ್ಲಿ ನಡೆದಿದೆ.

ಮಹೇಶ್​ ನೀಲಂಗೆ (24) ಮೃತ ರೈತ. ತನ್ನ ಹೊಲದಲ್ಲಿನ ಸೋಯಾ ಹಾಗೂ ತೊಗರಿ ಬೆಳೆಗೆ ಸಾವಯುವ ಗೊಬ್ಬರ ಹಾಕುವಾಗ ಹಾವು ಕಚ್ಚಿದೆ.

ತೀವ್ರ ಅಸ್ವಸ್ಥನಾದ ಈತನನ್ನು ಆಸ್ಪತ್ರೆಗೆ ಸಾಗಿಸುವ ಮಾರ್ಗ ಮಧ್ಯದಲ್ಲಿಯೇ ಮೃತಪಟ್ಟಿದ್ದಾನೆ ಎಂದು ತಿಳಿದು ಬಂದಿದೆ.