ಕೊರೊನಾ ಪ್ರಕರಣ ಇಳಿಮುಖ: ಚಿತ್ರದುರ್ಗ- 248, ಬೀದರ್​ನಲ್ಲಿ 44 ಸೋಂಕಿತರು ಡಿಸ್ಚಾರ್ಜ್​!

ರಾಜ್ಯದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ದಿನದಿಂದ ದಿನಕ್ಕೆ ನಿಧಾನವಾಗಿ ಇಳಿಕೆಯಾಗುತ್ತಿದ್ದು, ಬೀದರ್​ ಹಾಗೂ ಚಿತ್ರದುರ್ಗದಲ್ಲಿ ಸಹ ಕೊರೊನಾ ವೈರಾಣು ಪೀಡಿತರ ಗುಣಮುಖರಾಗಿ ಇಳಿಕೆ ಆಗುತ್ತಿರುವವರ ಸಂಖ್ಯೆ ದ್ವಿಗುಣಗೊಳ್ಳುತ್ತಿದೆ.

ಬೀದರ್/ ಚಿತ್ರದುರ್ಗ: ರಾಜ್ಯದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ದಿನದಿಂದ ದಿನಕ್ಕೆ ನಿಧಾನವಾಗಿ ಇಳಿಕೆಯಾಗುತ್ತಿದ್ದು, ಬೀದರ್​ ಹಾಗೂ ಚಿತ್ರದುರ್ಗದಲ್ಲಿ ಸಹ ಮಂಗಳವಾರ 44 ಹಾಗೂ 248 ಸೋಂಕಿತರು ಗುಣಮುಖರಾಗಿದ್ದಾರೆ.

ಬೀದರ್​ನಲ್ಲಿ ಕಳೆದ 24 ಗಂಟೆಗಳಲ್ಲಿ 10 ಜನರಿಗೆ ಕೊರೊನಾ ತಗುಲಿದ್ದು, ಇದೇ ಅವಧಿಯಲ್ಲಿ 44 ಜನ ಸೋಂಕಿತರು ಡಿಸ್ಚಾರ್ಜ್ ಆಗಿದ್ದಾರೆ. ಈ ಮೂಲಕ ಸೋಂಕಿತರ ಸಂಖ್ಯೆ 6,811ಕ್ಕೆ ಎರಿಕೆಯಾಗಿದೆ. 6,522 ಜನ ಸೋಂಕಿತರು ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ. ಇದುವರೆಗೂ 163 ಸೋಂಕಿತರು ಸಾವನಪ್ಪಿದ್ದು, 122 ಜನರಿಗೆ ಚಿಕಿತ್ಸೆ ನೀಡಲಾಗುತ್ತಿದೆ.

ಜಿಲ್ಲಾವಾರ ಕೋವಿಡ್ ಅಂಕಿಅಂಶ

ಚಿತ್ರದುರ್ಗದಲ್ಲಿ 248 ಸೋಂಕಿತರು ಗುಣಮುಖ

ಚಿತ್ರದುರ್ಗ ಜಿಲ್ಲೆಯಲ್ಲಿ 109 ಜನರಿಗೆ ಸೋಂಕು ಇರುವುದು ದೃಢಪಟ್ಟಿದ್ದು, ಸೋಂಕಿತರ ಸಂಖ್ಯೆ 11,474 ಕ್ಕೆ ಏರಿಕೆಯಾಗಿದೆ. ಇಂದು 248 ಜನರು ಗುಣಮುಖರಾಗಿದ್ದಾರೆ. ಒಟ್ಟು 1494 ಜನರ ಗಂಟಲು, ಮೂಗು ದ್ರವ ಮಾದರಿ ಸಂಗ್ರಹಿಸಲಾಗಿದೆ. ಇಬ್ಬರು ಮರಣ ಹೊಂದಿದ್ದು, ಇದುವರೆಗೆ 51 ಜನ ಕೋವಿಡ್‍ನಿಂದ ಮೃತಪಟ್ಟಿದ್ದರೆ. ಇತರೆ ಕಾರಣದಿಂದ ಓರ್ವ ಸಾವನ್ನಪ್ಪಿದ್ದಾನೆ. ಸೋಂಕಿತರ ಪೈಕಿ ಈಗಾಗಲೆ 10,343 ಜ ಗುಣಮುಖರಾಗಿದ್ದು, 1,080 ಸಕ್ರಿಯ ಪ್ರಕರಣಗಳಿವೆ.