ಬೀದರ್​ನಲ್ಲಿಂದು ಮತ್ತೆ ಮೂವರಿಗೆ ಪಾಸಿಟಿವ್​: ಸೋಂಕಿತರ ಸಂಖ್ಯೆ 26ಕ್ಕೆ ಏರಿಕೆ

ಮೂವರು ಸೋಂಕಿತರು ಸೇರಿ ಬೀದರ್ ಜಿಲ್ಲೆಯಲ್ಲಿ ಇದೀಗ ಸೋಂಕಿತರ ಸಂಖ್ಯೆ 26ಕ್ಕೆ ಏರಿದೆ. ಈ ಪೈಕಿ 14 ಜನರು ಗುಣಮುಖವಾಗಿ ಮನೆಗೆ ವಾಪಸ್​ ಆಗಿದ್ದಾರೆ. ಒಬ್ಬ ಸೋಂಕಿತ ಸಾವನಪ್ಪಿದ್ದು ಉಳಿದ 11 ಜನರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಬೀದರ್:ಗಡಿ ಜಿಲ್ಲೆ ಬೀದರ್​ನಲ್ಲಿ 12 ವರ್ಷದ ಮಗು ಸೇರಿದಂತೆ ಮೂವರಲ್ಲಿ ಕೋವಿಡ್ -19 ವೈರಾಣು ಪತ್ತೆಯಾಗಿದ್ದು ಈ ಮೂಲಕ ಸೋಂಕಿತರ ಸಂಖ್ಯೆ 26ಕ್ಕೆ ಏರಿಕೆ ಆಗಿದೆ.

ಬೀದರ್​ ಕೊರೊನಾ ಅಪ್​ಡೇಟ್​

ಮಧ್ಯಾಹ್ನ ಬಿಡುಗಡೆಯಾದ ಕೊರೊನಾ ಬುಲೆಟಿನ್​ನಲ್ಲಿ ರೋಗಿ ನಂಬರ್ 647 ಸಂಪರ್ಕಕ್ಕೆ ಬಂದ 30 ವಯಸ್ಸಿನ ಯುವಕ ಹಾಗೂ 648 ಸೋಂಕಿತರ ಸಂಪರ್ಕಕ್ಕೆ ಬಂದ 12 ವಯಸ್ಸಿನ ಗಂಡು ಮಗು ಎನ್ನಲಾಗಿದೆ. ಇನ್ನು 30 ವಯಸ್ಸಿನ ಯುವತಿಯಲ್ಲಿ ಸೋಂಕು ಪತ್ತೆಯಾಗಿದ್ದು, ಸೋಂಕಿನ ಮೂಲ ಪರಿಶೀಲನೆ ಮಾಡಲಾಗುತ್ತಿದೆ.

ಮೂವರು ಸೋಂಕಿತರು ಸೇರಿ ಬೀದರ್ ಜಿಲ್ಲೆಯಲ್ಲಿ ಇದೀಗ ಸೋಂಕಿತರ ಸಂಖ್ಯೆ 26 ಕ್ಕೇರಿದ್ದು ಈ ಪೈಕಿ 14 ಜನರು ಗುಣಮುಖವಾಗಿ ಮನೆಗೆ ವಾಪಸ್​​ ಆಗಿದ್ದಾರೆ. ಒಬ್ಬ ಸೋಂಕಿತ ಸಾವನ್ನಪ್ಪಿದ್ದು, ಉಳಿದ 11 ಜನರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಒಟ್ಟಾರೆ ಕರ್ನಾಟಕದಲ್ಲಿ 789 ಮಂದಿ ಸೋಂಕಿಗೆ ತುತ್ತಾಗಿದ್ದು,30 ಮಂದಿ ಸಾವನ್ನಪ್ಪಿದ್ದಾರೆ.