ಬಳ್ಳಾರಿ:ಅನೈತಿಕ ಸಂಬಂಧ ಹೊಂದಿಲ್ಲ ಅಂತಾ ಹೇಳಿ ದೇವರ ಮೇಲೆ ಆಣೆ ಮಾಡುವಂತೆ ದುಂಬಾಲು ಬಿದ್ದ ಪತಿರಾಯ, ಪತ್ನಿ ಹಾಗೂ ಪುತ್ರಿಯನ್ನ ಗುಂಡಾರಣ್ಯಕ್ಕೆ ಕರೆದೊಯ್ದು ಬರ್ಬರವಾಗಿ ಕೊಲೆಗೈದ ಘಟನೆ ಜಿಲ್ಲೆಯ ಹಡಗಲಿ ತಾಲೂಕಿನಲ್ಲಿ ನಡೆದಿದೆ.
ಶೀಲ ಶಂಕಿಸಿ ಪತ್ನಿ, ಪುತ್ರಿಯ ಬರ್ಬರ ಕೊಲೆ
ಜಿಲ್ಲೆಯ ಹರಪನಹಳ್ಳಿ ತಾಲೂಕಿನ ಕುಂಚೂರು ಗ್ರಾಮದ ನಿವಾಸಿ ಸಿದ್ಧಪ್ಪ ಕೊಲೆಗೈದಿರುವ ಆರೋಪಿ. ಪವಿತ್ರಾ (30) ಮತ್ತು ಆಕೆಯ ಮಗಳು ಮಮತಾ (3) ಕೊಲೆಯಾದವರು ಎಂದು ಗುರುತಿಸಲಾಗಿದೆ.
ಹೆಂಡತಿ ಬೇರೊಬ್ಬರೊಂದಿಗೆ ಅನೈತಿಕ ಸಂಬಂಧ ಹೊಂದಿದ್ದಾಳೆಂದು ಶಂಕಿಸಿದ ಪತಿರಾಯ ಅನೈತಿಕ ಸಂಬಂಧ ಹೊಂದಿಲ್ಲವೆಂದು ದೇವರ ಮೇಲೆ ಆಣೆ ಮಾಡುವಂತೆ ಹಟ ಹಿಡಿದಿದ್ದಾನೆ. ನಂತರ ಪತ್ನಿ ಹಾಗೂ ಪುತ್ರಿಯನ್ನ ಹಡಗಲಿ ತಾಲೂಕಿನ ಸಂರಕ್ಷಿತ ಅರಣ್ಯ ಪ್ರದೇಶಕ್ಕೆ ಕರೆದೊಯ್ದು ಇಬ್ಬರ ತಲೆ ಮೇಲೂ ಕಲ್ಲನ್ನು ಎತ್ತಿಹಾಕಿ ಕೊಲೆಗೈದಿದ್ದಾನೆ.