ಇಂದಿನಿಂದ ಹಂಪಿ ವೀಕ್ಷಣೆಗೆ ಟಿಕೆಟ್ ಸೌಲಭ್ಯ

ಕೆಲ ಸಲ ಪ್ರವಾಸಿಗರು ನೆಟ್​​ವರ್ಕ್ ಸಮಸ್ಯೆಯಿಂದ ಈ ಮೊದಲು ಪರದಾಡುವಂತ ಸ್ಥಿತಿ ಇತ್ತು. ಇದೀಗ ಆನ್​​ಲೈನ್ ಹಾಗೂ ಕೌಂಟರ್ ಮೂಲಕ ಟಿಕೆಟ್ ಪಡೆದು ಸ್ಮಾರಕಗಳನ್ನು ಪ್ರವಾಸಿಗರು ವೀಕ್ಷಣೆ ಮಾಡಬಹುದು..

ಹೊಸಪೇಟೆ :ವಿಶ್ವವಿಖ್ಯಾತ ಹಂಪಿಯಲ್ಲಿ ಇಂದಿನಿಂದ ಪ್ರವಾಸಿಗರಿಗೆ ಆಫ್​​ಲೈನ್ ಟಿಕೆಟ್ ಸೌಲಭ್ಯ ಒದಗಿಸಲು ಭಾರತೀಯ ಪುರಾತತ್ವ ಸರ್ವೇಕ್ಷಣಾ ಇಲಾಖೆ ಮುಂದಾಗಿದೆ.

ಹಂಪಿಯ ಕಮಲಮಹಲ್, ಕಮಲಾಪುರದ ವಸ್ತುಸಂಗ್ರಹಾಲಯ, ವಿಜಯವಿಠ್ಠಲ ದೇವಸ್ಥಾನ ಸ್ಮಾರಕಗಳನ್ನು ವೀಕ್ಷಣೆ ಮಾಡಲು ಈ‌ ಹಿಂದೆ ಆನ್​​ಲೈನ್ ಮೂಲಕ ಬುಕ್ ಮಾಡಬೇಕಿತ್ತು.‌ ಕೊರೊನಾ ಹಿನ್ನೆಲೆಯಲ್ಲಿ ಮುಂಜಾಗ್ರತಾ ಕ್ರಮವಾಗಿ ಒಂದು ದಿನಕ್ಕೆ 2000 ಜನರಿಗೆ ಮಾತ್ರ ಅವಕಾಶ ಕಲ್ಪಿಸಲಾಗಿತ್ತು.

ಕೆಲ ಸಲ ಪ್ರವಾಸಿಗರು ನೆಟ್​​ವರ್ಕ್ ಸಮಸ್ಯೆಯಿಂದ ಪರದಾಡುವಂತ ಸ್ಥಿತಿ ಇತ್ತು. ಇದೀಗ ಆನ್​​ಲೈನ್ ಹಾಗೂ ಕೌಂಟರ್ ಮೂಲಕ ಟಿಕೆಟ್ ಪಡೆದು ಸ್ಮಾರಕಗಳನ್ನು ಪ್ರವಾಸಿಗರು ವೀಕ್ಷಣೆ ಮಾಡಬಹುದು.

ಜನರ ಮಿತಿಯನ್ನು ತೆಗೆದು ಹಾಕಲಾಗಿದೆ ಎಂದು ಪುರಾತತ್ವ ಇಲಾಖೆಯ ಉಪ ಅಧೀಕ್ಷಕ ಪಿ ಕಾಳಿಮುತ್ತು ಈಟಿವಿ ಭಾರತಗೆ ತಿಳಿಸಿದರು.