ಬಳ್ಳಾರಿ: ಜಿಲ್ಲೆಯ ಹೊಸಪೇಟೆ ಪಟ್ಟಣ ಪೊಲೀಸ್ ಠಾಣೆಯ ವ್ಯಾಪ್ತಿಯಲ್ಲಿ ಜನವರಿ 07ರಿಂದ ಯುವಕ ಕಾಣೆಯಾಗಿರುವ ಪ್ರಕರಣ ದಾಖಲಾಗಿದೆ.
ಕಾಣೆಯಾಗಿರುವ ಯುವಕನ ಹೆಸರು ವೀರೇಂದ್ರ ಕುಮಾರ್. ಸುಮಾರು 24 ವರ್ಷದ ವಯಸ್ಸಿನವನು. ಕಾಣೆಯಾಗಿರುವ ಪ್ರಕರಣವನ್ನು ಪಟ್ಟಣ ಪೊಲೀಸ್ ಠಾಣೆಯ ಠಾಣಾಧಿಕಾರಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಯುವಕನ ಗುರುತು:
5.4 ಅಡಿ ಎತ್ತರ, ಕೋಲುಮುಖ, ತೆಳುವಾದ ಮೈಕಟ್ಟು, ಗೋಧಿ ಮೈಬಣ್ಣ ಹೊಂದಿದ್ದಾನೆ. ಜೊತೆಗೆ ಎಡಗೈ ಮೇಲೆ ಅಮ್ಮ, ಬಲಗೈ ತೋಳಿನ ಮೇಲೆ ಒಂದು ಚಾಕುವಿಗೆ ಎರಡು ಹಾವುಗಳು ಸುತ್ತಿಕೊಂಡಿರುವ ಹಚ್ಚೆ ಹಾಕಿಸಿಕೊಂಡಿದ್ದಾನೆ. ಜನವರಿ 7ರಂದು ಆರ್ಟಿಒ ಕಚೇರಿ ಹತ್ತಿರವಿರುವ ಹೆಚ್ಎಲ್ಸಿ ಕಾಲುವೆಯಲ್ಲಿ ಈಜಾಡುವ ವೇಳೆ ನೀರಿನಲ್ಲಿ ಮುಳುಗಿ ಹೋಗಿದ್ದು, ಕಾಣೆಯಾಗಿದ್ದಾನೆ ಎಂದು ದೂರು ದಾಖಲಾಗಿದೆ.
ಯುವಕ ಕಾಣೆಯಾದ ಸ್ಥಳದಲ್ಲಿ ಆತ ಧರಿಸಿದ್ದ ಬೂದು ಬಣ್ಣದ ಜಾಗಿಂಗ್ ಪ್ಯಾಂಟ್, ಬೂದು ಬಣ್ಣದ ಗೆರೆಗಳಿರುವ ಕೆಂಪುಬಣ್ಣದ ಟೀ ಶರ್ಟ್ ಲಭಿಸಿದೆ. ಈತ ಕನ್ನಡ, ಹಿಂದಿ ಭಾಷೆ ಮಾತನಾಡಬಲ್ಲನಾಗಿದ್ದಾನೆ.