ಕೊರೊನಾ ನಿಯಮ ಉಲ್ಲಂಘನೆಗೆ 5ಸಾವಿರ ರೂ. ದಂಡ.. ಸಾರ್ವಜನಿಕರ ಆಕ್ರೋಶ

ಸೈಕಲ್ ಅಂಗಡಿ ಮಾಲೀಕನಿಗೆ ಸಾಮಾಜಿಕ ಅಂತರ ಕಾಯ್ದುಕೊಂಡಿಲ್ಲವೆಂದು ಪೊಲೀಸರು 5 ಸಾವಿರ ರೂ. ದಂಡ ವಿಧಿಸಿದ ಘಟನೆ ಹೊಸಪೇಟೆಯಲ್ಲಿ ನಡೆದಿದೆ.

ಹೊಸಪೇಟೆ:ಸಾಮಾಜಿಕ ಅಂತರ ಕಾಯ್ದುಕೊಂಡಿಲ್ಲ ಎಂಬ ಕಾರಣ ನೀಡಿ, ನಗರದ ಪೊಲೀಸರು ಸೈಕಲ್‌ ಅಂಗಡಿಯ ಮಾಲೀಕನಿಗೆ 5,000 ರೂ. ದಂಡ ವಿಧಿಸಿರುವ ಘಟನೆ ಚರ್ಚೆಗೆ ಗ್ರಾಸವಾಗಿದೆ.

ಜನ ಕಡಿಮೆ ಪ್ರಮಾಣದಲ್ಲಿ ಸೇರುವ ಸೈಕಲ್‌ ಅಂಗಡಿಯಂತಹ ಸ್ಥಳದಲ್ಲಿ, ನಿಯಮವನ್ನು ಈ ಪರಿ ಅಳವಡಿಸಲು ಮುಂದಾಗಿದ್ದರ ಹಿನ್ನೆಲೆ ಏನು? ಈ ಪರಿ ದಂಡ ಹಾಕುವ ಮೂಲಕ ಜನರಲ್ಲಿ ಮೂಡುವುದು ಕಾನೂನು ಪ್ರಜ್ಞೆಯೇ ಅಥವಾ ಸರ್ಕಾರಿ ವಿರೋಧಿ ಧೋರಣೆಯೆ ಎಂಬ ಚರ್ಚೆಗಳು ಸಾರ್ವಜನಿಕರಲ್ಲಿ ಆರಂಭವಾಗಿವೆ.

ಸೈಕಲ್​​ ಶಾಪ್​​ ಮಾಲೀಕನಿಗೆ 5ಸಾವಿರ ರೂ. ದಂಡ

ಜನರಲ್ಲಿ ಜಾಗೃತಿ‌ ಮೂಡಿಸುವುದು ಅಗತ್ಯ. ಆದರೆ, ಕಾನೂನು ಹೆಸರಿನಲ್ಲಿ ಜನಸಾಮಾನ್ಯರಿಗೆ ಆರ್ಥಿಕ ಹೊರೆಯಾಗಿಸುವುದು ತಪ್ಪು ಎನ್ನುವ ಅಭಿಪ್ರಾಯಗಳು ವ್ಯಕ್ತವಾಗಿವೆ.