ಮಳೆಯಿಂದ ಧರೆಗುರುಳಿದ ಹಂಪಿ ವಿಜಯ ವಿಠ್ಠಲ ದೇಗುಲದ ಬಳಿಯಿರುವ ಕಂಬಗಳು

ಹೊಸಪೇಟೆ ತಾಲೂಕಿನಲ್ಲಿ ಕಳೆದೆರಡು ದಿನಗಳಿಂದ ಮಳೆಯಾಗುತ್ತಿದ್ದು, ಮಳೆಗೆ ಹಂಪಿಯ ವಿಜಯ ವಿಠ್ಠಲ ದೇವಸ್ಥಾನ ಬಳಿ ಎರಡು ಕಂಬಗಳು ಧರೆಗುರುಳಿವೆ.

ಹೊಸಪೇಟೆ :ಹಂಪಿಯ ವಿಜಯ ವಿಠ್ಠಲ ದೇವಸ್ಥಾನದ ಬಳಿ ಎರಡು ಕಂಬಗಳು ಮಳೆಯಿಂದ ಧರೆಗುರುಳಿರುವ ಘಟನೆ ನಡೆದಿದೆ. ತಾಲೂಕಿನಲ್ಲಿ ಕಳೆದೆರಡು ದಿನಗಳಿಂದ ಸತತ ಮಳೆಯಾಗುತ್ತಿದ್ದು, ಮಳೆಯಿಂದ ಕಂಬಗಳು ಧರೆಗೆ ಉರುಳಿವೆ ಎನ್ನಲಾಗಿದೆ.‌

ಈ ಕುರಿತು ಭಾರತೀಯ ಸರ್ವೇಕ್ಷಣಾ ಪುರಾತತ್ವ ಇಲಾಖೆಯ ಹಂಪಿ ವೃತ್ತದ ಉಪಾಧೀಕ್ಷಕ ಕಾಳಿಮುತ್ತು ಅವರು ಮಾತನಾಡಿದ್ದು, ಸತತ ಮಳೆಯಿಂದ ಕಂಬಗಳು ಬಿದ್ದಿರಬಹುದು. ಈ ಕುರಿತು ಪರಿಶೀಸಲಾಗುವುದು ಎಂದರು.

ಕೆಳ ದಿನಗಳ ಹಿಂದೆ ಹಂಪಿಯ ಸಾಲು ಮಂಟಪದ ಕಂಬಗಳು ಹಾಗೂ ಎದುರು ಬಸವಣ್ಣ ಬಳಿ ಸ್ಮಾರಕ ಕಲ್ಲು ಕುಸಿದು ಬಿದ್ದಿತ್ತು.