ಹೊಸಪೇಟೆ (ವಿಜಯನಗರ) :ಪರೀಕ್ಷೆ ಆರಂಭವಾದರೂ ಪರೀಕ್ಷಾ ಕೇಂದ್ರದ ಕೊಠಡಿ ಹುಡುಕಲು SSLC ವಿದ್ಯಾರ್ಥಿನಿವೋರ್ವಳು ತನ್ನ ತಂದೆಯೊಂದಿಗೆ ಪರದಾಡುತ್ತಿದ್ದ ದೃಶ್ಯ ನಗರದಲ್ಲಿ ಕಂಡು ಬಂತು.
ನಗರದ ಸರ್ಕಾರಿ ಪದವಿ ಪೂರ್ವ ಕಾಲೇಜಿನ ಬಳಿ ಬಂದ ವಿದ್ಯಾರ್ಥಿನಿ ಮತ್ತು ಆಕೆಯ ತಂದೆ ಪರೀಕ್ಷಾ ಕೇಂದ್ರ ಹುಡುಕಲು ಪರದಾಡುತ್ತಿದ್ದರು. ಎರಡ್ಮೂರು ಪರೀಕ್ಷಾ ಕೇಂದ್ರಗಳಿಗೆ ಸುತ್ತಾಡಿ ಬಂದಿದ್ದೇವೆ. ಆದರೆ, ನನ್ನ ಪರೀಕ್ಷಾ ಕೇಂದ್ರ ಸಿಗುತ್ತಿಲ್ಲ ಎಂದು ವಿದ್ಯಾರ್ಥಿನಿ ಅಳಲು ತೋಡಿಕೊಂಡಳು.