’ರಾಮ ಎಲ್ಲಾದ್ರೂ ಹೋಗಬಹುದು, ಲಕ್ಷ್ಮಣ ನಮ್ಮ ಜಿಲ್ಲೆಗೆ ಬರ್ತಿದ್ದಾರೆ ಅಷ್ಟೇ’

ಪಕ್ಷದ ಮತ್ತು ನಾಯಕರ ತೀರ್ಮಾನಕ್ಕೆ ನಾನು ಬದ್ಧನಾಗಿರುವೆ. ಕಲ್ಯಾಣ ಕರ್ನಾಟಕ ಘೋಷಣೆ ಹಿನ್ನೆಲೆ ಯಾದಗಿರಿಯಲ್ಲಿ ಧ್ವಜಾರೋಹಣ ಮಾಡುವಂತೆ ಸಿಎಂ ಯಡಿಯೂರಪ್ಪ ನಿರ್ಧಾರ ತೆಗೆದುಕೊಂಡಿದ್ದಾರೆ ಎಂದರು.

ಬಳ್ಳಾರಿ: ಡಿಸಿಎಂ ಲಕ್ಷ್ಮಣ ಸವದಿ ಬಳ್ಳಾರಿಯಲ್ಲಿ ಧ್ವಜಾರೋಹಣ ಮಾಡಲಿದ್ದಾರೆ. ಬಳ್ಳಾರಿ ಮೇಲೆ ನನಗೆ ಪ್ರೀತಿಯಿದೆ. ರಾಮ ಎಲ್ಲಾದ್ರೂ ಹೋಗಬಹುದು, ಲಕ್ಷ್ಮಣ ನಮ್ಮ ಜಿಲ್ಲೆಗೆ ಬರ್ತಿದ್ದಾರೆ ಅಷ್ಟೇ ಎಂದು ಆರೋಗ್ಯ ಸಚಿವ ಬಿ.ಶ್ರೀರಾಮುಲು ಹೇಳಿದರು.

ಕಲ್ಯಾಣ ಕರ್ನಾಟಕ ಧ್ವಜಾರೋಹಣ ನೆರವೇರಿಸುವುದರ ಬಗ್ಗೆ ಪ್ರತಿಕ್ರಿಯಿಸಿದ ಸಚಿವ ಶ್ರೀರಾಮುಲು, ಪಕ್ಷದ ಮತ್ತು ನಾಯಕರ ತೀರ್ಮಾನಕ್ಕೆ ನಾನು ಬದ್ಧನಾಗಿರುವೆ. ನಾನು ಯಾದಗಿರಿಯಲ್ಲಿ ಧ್ವಜಾರೋಹಣ ಮಾಡುವಂತೆ ಸಿಎಂ ಯಡಿಯೂರಪ್ಪ ನಿರ್ಧಾರ ತೆಗೆದುಕೊಂಡಿದ್ದಾರೆ. ಡಿಸಿಎಂ ಲಕ್ಷ್ಮಣ ಸವದಿ ಬಳ್ಳಾರಿಯಲ್ಲಿ ಧ್ವಜಾರೋಹಣ ಮಾಡಲಿದ್ದಾರೆ. ಬಳ್ಳಾರಿ ಮೇಲೆ ನನಗೆ ಪ್ರೀತಿಯಿದೆ. ರಾಮ ಎಲ್ಲಾದ್ರೂ ಹೋಗಬಹುದು, ಲಕ್ಷ್ಮಣ ನಮ್ಮ ಜಿಲ್ಲೆಗೆ ಬರ್ತಿದ್ದಾರೆ ಅಷ್ಟೇ ಎಂದರು.

ಪ್ರಧಾನಿ ಮೋದಿಯವರ ಜನ್ಮ ದಿನದ ನಿಮಿತ್ತ ಆಯೋಜಿಸಿದ್ದ ಸ್ವಚ್ಛ ಸೇವಾ ಸಪ್ತಾಹ ಕಾರ್ಯಕ್ರಮದಲ್ಲಿ ಆರೋಗ್ಯ ಸಚಿವ ಬಿ.ಶ್ರೀರಾಮುಲು ಅವರು ಕೇವಲ ಫೋಟೋಗಾಗಿ ಕಸ ಗುಡಿಸಿ ಸಾರ್ವಜನಿಕರ ಕೆಂಗಣ್ಣಿಗೆ ಗುರಿಯಾದರು.

ತಮ್ಮ ನಿವಾಸದಿಂದ ಆಗಮಿಸಿದ ಸಚಿವ ಶ್ರೀರಾಮುಲು, ವಿಮ್ಸ್​ನ ಹಳೇ ನಿರ್ದೇಶಕರ ಕಚೇರಿಯ ಆವರಣದಲ್ಲಿನ ಕುರಚಲು ಹುಲ್ಲಿನ ಪ್ರದೇಶದಲ್ಲಿ ಹ್ಯಾಂಡ್ ಗ್ಲೌಸ್ ತೊಟ್ಟುಕೊಂಡು ಪೊರಕೆ ಹಿಡಿದು ಕಸಗೂಡಿಸಲು ಮುಂದಾದರು. ಅಚ್ಚರಿ ಎಂದರೆ ಅಲ್ಲಿ ಕಸವೇ ಇರಲಿಲ್ಲ. ಸ್ವಚ್ಛ ಸೇವಾ ಸಪ್ತಾಹದ ಉದ್ದೇಶವೇ ಕಸಗುಡಿಸುವ ಕೆಲಸವಾದರೂ ಸಚಿವರು ಈ ರೀತಿ ಮಾಡಿದ್ದಕ್ಕೆ ಸಾರ್ವಜನಿಕರು ಕೋಪಗೊಂಡರು.