ಮುಖ್ಯೋಪಾಧ್ಯಾಯನ ವರ್ತನೆ ಖಂಡಿಸಿ ಗ್ರಾಮಸ್ಥರಿಂದ ಮೌನ ಪ್ರತಿಭಟನೆ

ಮುಖ್ಯ ಗುರುಗಳ ವರ್ತನೆ ಖಂಡಿಸಿ ಎಸ್​ಡಿಎಂಸಿ ಅಧ್ಯಕ್ಷರು, ಉಪಾಧ್ಯಕ್ಷರು, ಊರಿನ ಯುವಕರು ಹಾಗೂ ಮುಖಂಡರು ಸೇರಿ ಮೌನ ಪ್ರತಿಭಟನೆ ನಡೆಸಿದರು.

ಬಳ್ಳಾರಿ: ಕಂಪ್ಲಿ ತಾಲೂಕಿನ ಇಟಗಿ ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಮುಖ್ಯೋಪಾಧ್ಯಾಯನ ವರ್ತನೆ ಖಂಡಿಸಿ ಎಸ್​ಡಿಎಂಸಿ ಅಧ್ಯಕ್ಷರು, ಉಪಾಧ್ಯಕ್ಷರು, ಊರಿನ ಯುವಕರು ಹಾಗೂ ಮುಖಂಡರು ಸೇರಿ ಮೌನ ಪ್ರತಿಭಟನೆ ನಡೆಸಿದ್ರು.

ಈ ಮುಖ್ಯೋಪಾಧ್ಯಾಯ ಸರಿಯಾಗಿ ಶಾಲೆಗೆ ಬರುತ್ತಿಲ್ಲ ಎಂದು ಜನ ಪ್ರತಿಭಟನೆ ಮಾಡಿದ್ರು. ಮುಖ್ಯ ಗುರು ವಿ. ಫಕ್ಕಿರಪ್ಪ ವಿದ್ಯಾರ್ಥಿಗಳಿಗೆ ಸರಿಯಾಗಿ ಬಿಸಿಯೂಟ ನೀಡುವುದಿಲ್ಲ, ತಿಂಗಳಲ್ಲಿ 10 ರಿಂದ 12 ದಿನಗಳು ಮಕ್ಕಳಿಗೆ ಹಾಲು ವಿತರಿಸಿಲ್ಲ, ಸರ್ಕಾರದ ಕಡೆಯಿಂದ ಬರುವ ಸೈಕಲ್​ಗಳಿಗೆ ಹಣವನ್ನು ಪಡೆಯುತ್ತಾರೆ ಎಂದು ಆರೋಪಿಸಿದ್ರು. ಈ ಕೂಡಲೇ ಮುಖ್ಯೋಪಾಧ್ಯಾಯ ವಿ.ಫಕ್ಕೀರಪ್ಪ ಅವರನ್ನು ವರ್ಗಾವಣೆ ಮಾಡಬೇಕು ಎಂದು ಆಗ್ರಹಿಸಿದ್ರು.

ಮತ್ತೋರ್ವ ಸಹಾಯಕ ಶಿಕ್ಷಕ ಎಸ್. ಪ್ರಭು ಮದ್ಯಪಾನ ಮತ್ತು ಗುಟ್ಕಾ ಬಾಯಲ್ಲಿಟ್ಟುಕೊಂಡೇ ಶಾಲೆಗೆ ಬರುತ್ತಾರೆ ಎಂದು ಕ್ಷೇತ್ರ ಶಿಕ್ಷಣಾಧಿಕಾರಿಗಳಿಗೆ ದೂರು ಸಲ್ಲಿಸಿದರು.‌