ಬಳ್ಳಾರಿ: ಬೀದಿ, ಬೀದಿ ಸುತ್ತಿದ್ದ ಶಾ, ಮೋದಿಗೆ ತಕ್ಕ ಪಾಠವನ್ನು ದೆಹಲಿಯ ಮತದಾರರು ನೀಡಿದ್ದಾರೆ. ಮತೀಯ ಶಕ್ತಿಯನ್ನು ಹಿಮ್ಮೆಟ್ಟಿಸಲು ಜಾತ್ಯಾತೀತ ಒಗ್ಗೂಡುವಿಕೆಯಿಂದ ದೆಹಲಿ ತೀರ್ಪು ಒಂದು ಮೈಲಿಗಲ್ಲು ಎಂದು ಕೆಪಿಸಿಸಿ ವಕ್ತಾರ ವಿ.ಎಸ್.ಉಗ್ರಪ್ಪ ಕಟುವಾಗಿ ಟೀಕಿಸಿದರು.
ಇಲ್ಲಿನ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಸಂವಿಧಾನ ವಿರೋಧಿ ಹಾಗೂ ಮತೀಯ ಶಕ್ತಿಯಾಗಿರುವ ಬಿಜೆಪಿಗೆ ದೆಹಲಿ ಚುನಾವಣೆಯಲ್ಲಿ ಸರಿಯಾಗಿ ಉತ್ತರ ನೀಡಿದ್ದಾರೆ. ದೇಶದ ಅಭಿವೃದ್ಧಿ ಕುರಿತು ಚಿಂತನೆ ನಡೆಸದ ಪ್ರಧಾನಿ, ಗೃಹ ಸಚಿವ ಶಾ ಅವರು ಭಾವನಾತ್ಮಕ ವಿಷಗಳನ್ನು ಮತದಾರರ ಮನಸ್ಸಿನಲ್ಲಿ ಬಿತ್ತರಿಸಲು ಹೊರಟರು. ಹಾಗಾಗಿ, ದೇಶದ ಸಾಲದ ಹೊರೆ ಹೆಚ್ಚಾಯಿತು ಎಂದು ಕುಟುಕಿದ್ದಾರೆ.
