ಬಳ್ಳಾರಿಯಲ್ಲಿ ಸಂಚಾರಿ ನಿಮಯ ಉಲ್ಲಂಘನೆ : 2020ನೇ ಸಾಲಿನಲ್ಲಿ ₹1.65 ಕೋಟಿ ದಂಡ ವಸೂಲಿ

2018ರಲ್ಲಿ 35 ಸಾವಿರ ರಸ್ತೆ ನಿಮಯ ಉಲ್ಲಂಘನೆ ಪ್ರಕರಣ ದಾಖಲಿಸಿ 46 ಲಕ್ಷ ರೂ. ದಂಡ ಹಾಕಿದ್ದಾರೆ. 2019ರಲ್ಲಿ 35 ಜನರು ಸಾವನ್ನಪಿ, 49 ಸಾವಿರ ಪ್ರಕರಣ ದಾಖಲಾಗಿ 1 ಕೋಟಿ 5 ಲಕ್ಷ ರೂ. ದಂಡ ಹಾಕಲಾಗಿದೆ. 2020ರಲ್ಲಿ 25 ಜನರು ರಸ್ತೆ ಅಪಘಾತದಲ್ಲಿ ಮರಣ ಹೊಂದಿದ್ದು, 34 ಸಾವಿರ ಪ್ರಕರಣ ದಾಖಲಿಸಿ, 1 ಕೋಟಿ 65 ಲಕ್ಷ ರೂ. ದಂಡವನ್ನು ಸರ್ಕಾರಕ್ಕೆ ಜಮಾ ಮಾಡಲಾಗಿದೆ..

ಬಳ್ಳಾರಿ :2020ನೇ ಸಾಲಿನಲ್ಲಿ ಬಳ್ಳಾರಿ ಜಿಲ್ಲೆಯಲ್ಲಿ ಸಂಚಾರಿ ನಿಮಯ ಉಲ್ಲಂಘನೆ ಮಾಡಿದ 34 ಸಾವಿರ ಪ್ರಕರಣ ದಾಖಲಿಸಿ, 1 ಕೋಟಿ 65 ಲಕ್ಷ ರೂ. ದಂಡ ವಿಧಿಸಿರುವ ಸಂಚಾರಿ ಪೊಲೀಸ್ ಇಲಾಖೆ ಅಧಿಕಾರಿಗಳು ದಂಡವನ್ನು ಸರ್ಕಾರಕ್ಕೆ ಜಮಾ ಮಾಡಿದ್ದಾರೆ.

ಸೆಂಟೆನರಿ ಹಾಲ್​ನಲ್ಲಿ ಇಂದು ಬಳ್ಳಾರಿ ಸಂಚಾರಿ ಪೊಲೀಸ್ ಮತ್ತು ಸನ್ಮಾರ್ಗ ಗೆಳೆಯರ ಬಳಗ ನೇತೃತ್ವದಲ್ಲಿ ಸಂಚಾರಿ ಪೊಲೀಸ್ ಠಾಣೆಯ 'ಸಡಕ್ ಸುರಕ್ಷಾ, ಜೀವನ್ ರಕ್ಷಾ', 32ನೇ ರಾಷ್ಟ್ರೀಯ ರಸ್ತೆ ಸುರಕ್ಷತಾ ಸಪ್ತಾಹ-2021ರ ಸಮಾರೋಪ ಸಮಾರಂಭ ನಡೆಯಿತು.

ಈ ವೇಳೆ ಮಾತನಾಡಿದ ಬಳ್ಳಾರಿ ಸಂಚಾರಿ ಠಾಣೆಯ ಸಿಪಿಐ ನಾಗರಾಜ್ ಅವರು, ಜ.18ರಂದು ಎಸ್.ಪಿ ಸೈದುಲು ಅಡಾವತ್​ ಅವರು 'ಸಡಕ್ ಸುರಕ್ಷಾ, ಜೀವನ್ ರಕ್ಷಾ' ಕಾರ್ಯಕ್ರಮ ಉದ್ಘಾಟನೆ ಮಾಡಿದ್ದರು. ಒಂದು ತಿಂಗಳಲ್ಲಿ 40 ಶಾಲಾ ಕಾಲೇಜ್​​ಗಳಲ್ಲಿ ಸಂಚಾರಿ ನಿಯಮಗಳ ಬಗ್ಗೆ ಜಾಗೃತಿ ಮೂಡಿಸಿದ್ದಾರೆ.

ಅಪ್ಪು ಸೇವಾ ಸಮಿತಿ, ಬುಲ್ ರೈಡರ್ಸ್, ಎಂ.ಜಿ.ಆರ್ ತಂಡಗಳಿಂದ ಉಚಿತವಾಗಿ ಹೆಲ್ಮೆಟ್ ವಿತರಣೆ ಮಾಡಿದ್ದಾರೆ ಎಂದರು. ಅಲ್ಲದೇ 2018, 2019 ಮತ್ತು 2020ನೇ ಸಾಲಿನ ಪ್ರಕರಣ ಹಾಗೂ ದಂಡ ವಿಧಿಸಿರುವ ಬಗ್ಗೆ ಮಾಹಿತಿ ನೀಡಿದರು.

2018ರಲ್ಲಿ 35 ಸಾವಿರ ರಸ್ತೆ ನಿಮಯ ಉಲ್ಲಂಘನೆ ಪ್ರಕರಣ ದಾಖಲಿಸಿ 46 ಲಕ್ಷ ರೂ. ದಂಡ ಹಾಕಿದ್ದಾರೆ. 2019ರಲ್ಲಿ 35 ಜನರು ಸಾವನ್ನಪಿ, 49 ಸಾವಿರ ಪ್ರಕರಣ ದಾಖಲಾಗಿ 1 ಕೋಟಿ 5 ಲಕ್ಷ ರೂ. ದಂಡ ಹಾಕಲಾಗಿದೆ.

2020ರಲ್ಲಿ 25 ಜನರು ರಸ್ತೆ ಅಪಘಾತದಲ್ಲಿ ಮರಣ ಹೊಂದಿದ್ದು, 34 ಸಾವಿರ ಪ್ರಕರಣ ದಾಖಲಿಸಿ, 1 ಕೋಟಿ 65 ಲಕ್ಷ ರೂ. ದಂಡವನ್ನು ಸರ್ಕಾರಕ್ಕೆ ಜಮಾ ಮಾಡಲಾಗಿದೆ ಎಂದು ವಿವರಿಸಿದರು.

ಹೆಚ್ಚುವರಿ ಜಿಲ್ಲಾ ವರಿಷ್ಠಾಧಿಕಾರಿ ಬಿ ಎನ್ ಲಾವಣ್ಯ ಮಾತನಾಡಿ, 'ಸಡಕ್ ಸುರಕ್ಷಾ, ಜೀವನ್ ರಕ್ಷಾ ಕಾರ್ಯಕ್ರಮದ ಮೂಲಕ ಜಿಲ್ಲಾದ್ಯಂತ ಜಾಗೃತಿ ಮೂಡಿಸಲಾಗಿದೆ. ಮುಖ್ಯವಾಗಿ ಶಾಲಾ-ಕಾಲೇಜ್, ಕಚೇರಿಯ ಸಿಬ್ಬಂದಿ, ಅಧಿಕಾರಿಗಳಿಗೆ ರಸ್ತೆ ಸುರಕ್ಷತೆ ಬಗ್ಗೆ ತಿಳಿಸುತ್ತವೆ. ಬೈಕ್ ರ್ಯಾಲಿ, ಕರಪತ್ರ ಹಂಚುವಿಕೆ, ಮ್ಯಾರಥಾನ್ ಮೂಲಕ ಜಾಗೃತಿ ಮೂಡಿಸಲಾಗಿದೆ ಎಂದು ತಿಳಿಸಿದರು.

ಸಮಾರಂಭದಲ್ಲಿ ಡಿವೈಎಸ್​ಪಿ ರಮೇಶ್ ಕುಮಾರ್, ಸಿಪಿಐ ಸುಭಾಷ್ ಚಂದ್ರ, ಟ್ರಾಫಿಕ್ ಸಿಪಿಐ ನಾಗರಾಜ್, ಡಿಸಿಆರ್​​ಬಿ ಡಿವೈಎಸ್​ಪಿ ಮಹೇಶ್ವರ ಗೌಡ, ಮಹಿಳಾ ಠಾಣೆ ಸಿಪಿಐ ವಾಸು ಕುಮಾರ್ ಸೇರಿದಂತೆ ಇತರರು ಉಪಸ್ಥಿತರಿದ್ದರು.