ಬಳ್ಳಾರಿ: ಕಳೆದ ಎರಡು ದಿನಗಳಿಂದ ಸುರಿಯುತ್ತಿರುವ ಮಳೆಗೆ ವೇದಾವತಿ ನದಿ ತುಂಬಿ ಹರಿಯುತ್ತಿದೆ. ಇದರಿಂದ ಆಂಧ್ರಪ್ರದೇಶಕ್ಕೆ ಸಂಪರ್ಕ ಕಲ್ಪಿಸುವ ಸಿರುಗುಪ್ಪ ತಾಲೂಕಿನ ರಾರಾವಿ ಗ್ರಾಮದ ಬಳಿಯ ನದಿಯ ಕೆಳ ಮಟ್ಟದ ಸೇತುವೆ ಮೇಲೆ ನೀರು ಹರಿಯುತ್ತಿದ್ದು, ರಸ್ತೆ ಸಂಚಾರ ಸಂಪೂರ್ಣ ಸ್ಥಗಿತಗೊಂಡಿದೆ.
ಈ ಮಾರ್ಗದಲ್ಲಿ ಸಂಚಾರ ಸಾಧ್ಯವಿಲ್ಲದ ಕಾರಣ ತಾಲ್ಲೂಕಿನಿಂದ ಗಡಿಭಾಗದ ಹಳ್ಳಿಗಳಿಗೂ ಮತ್ತು ಆಂಧ್ರದ ಮಂತ್ರಾಲಯ, ಆಲೂರು ಆದ್ವೊನಿ, ತಿರುಪತಿ, ಶ್ರೀಶೈಲ, ಗುಂಟೂರು, ವಿಜಯವಾಡ, ಅನಂತಪುರ ನಗರಗಳಿಗೆ ಹೋಗುವ ವಾಹನಗಳು ಹಚ್ಚೊಳ್ಳಿ ಮಾರ್ಗವಾಗಿ ಸುತ್ತಿಬಳಿಸಿ ತೆರಳುತ್ತಿವೆ.
ರಾರಾವಿ ನದಿ ಕೆಳಮಟ್ಟದ ಸೇತುವೆ ಮುಳುಗಡೆ