ವಿಜಯಪುರ: ಐಟಿ ದಾಳಿಯಿಂದ ವಿರೋಧಿಗಳನ್ನು ರಾಜಕೀಯವಾಗಿ ಬೆದರಿಸುವುದು ಬಿಜೆಪಿಯ ತಂತ್ರ. ಯಡಿಯೂರಪ್ಪ ಅವರನ್ನು ಸಿಎಂ ಸ್ಥಾನದಿಂದ ಕೆಳಗಿಸಿ, ಸುಮ್ಮನೆ ಕುಳಿತುಕೊಳ್ಳುವಂತೆ ಮಾಡಿರುವ ಬಿಜೆಪಿ ಹೈಕಮಾಂಡ್, ನಿನ್ನೆ ಅವರ ಆಪ್ತರ ಮೇಲೂ ಐಟಿ ದಾಳಿ ನಡೆಸಿದೆ ಎಂದು ಮಾಜಿ ಸಚಿವ ರಾಮಲಿಂಗಾರೆಡ್ಡಿ ಹೇಳಿದರು.
ಸಿಂಧಗಿಯಲ್ಲಿ ಮಾತನಾಡಿದ ಅವರು, ಚುನಾವಣೆ ಬಂದಾಗೊಮ್ಮೆ ಬಿಜೆಪಿ ಐಟಿ ದಾಳಿ ತಂತ್ರ ರೂಪಿಸುತ್ತದೆ. ಅದರಲ್ಲೂ ವಿರೋಧ ಪಕ್ಷಗಳನ್ನು ಹೆದರಿಸಲು ಈ ರೀತಿ ಮಾಡುವುದು ಮಾಮೂಲಿಯಾಗಿದೆ. ಈಗ ಬಿಜೆಪಿ ತನ್ನದೇ ಮುಖಂಡರನ್ನು ಟಾರ್ಗೆಟ್ ಮಾಡಿದೆ. ಬಿಎಸ್ವೈ ಅವರನ್ನು ರಾಜಕೀಯವಾಗಿ ಹಣಿಯಲು ಐಟಿ ದಾಳಿ ಮಾಡಿಸಿರಬಹುದು ಎಂದರು.
ಐಟಿ ದಾಳಿ ವಿರೋಧಿಗಳ ಬೆದರಿಸುವ ಬಿಜೆಪಿಯ ತಂತ್ರಗಾರಿಕೆ: ರಾಮಲಿಂಗಾರೆಡ್ಡಿ ಆರೋಪ