ಅನಗತ್ಯವಾಗಿ ತಿರುಗಾಡುತ್ತಿದ್ದವರಿಗೆ ಪೊಲೀಸರು ಮಾಡಿಸಿದ್ದೇನು ಗೊತ್ತಾ?

ಬಳ್ಳಾರಿ ನಗರದಲ್ಲಿ ಮಾಸ್ಕ್​ ಹಾಕದೇ ತಿರುಗಾಡುತ್ತಿದ್ದವರಿಗೆ ಪೊಲೀಸರು ಅವರ ಅಂಗಿ ಬಿಚ್ಚಿಸಿ ಬನಿಯನ್​ನನ್ನೇ ಮಾಸ್ಕ್​ ರೀತಿ ಕಟ್ಟಿಸಿ ಕಳಿಸಿದ್ದಾರೆ.

ಬಳ್ಳಾರಿ: ನಗರದ ರಾಯಲ್​ ವೃತ್ತದಲ್ಲಿ ಮಾಸ್ಕ್​ ಹಾಕದೇ ರಸ್ತೆಯಲ್ಲಿ ಅನಗತ್ಯವಾಗಿ ಓಡಾಡುತ್ತಿದ್ದ ಸಾರ್ವಜನಿರಿಗೆ ಪೊಲೀಸರು ಲಾಠಿ ಏಟು ನೀಡದೇ ಕಪ್ಪೆ ಜಿಗಿತ, ಬಸ್ಕಿ ಹೊಡೆಸಿ ಜಾಗೃತಿ ಮೂಡಿಸಿ ಕಳಿಸಿದ್ದಾರೆ.

ಅಲ್ಲದೇ ಮಾಸ್ಕ್​ ಹಾಕದೇ ತಿರುಗಾಡುತ್ತಿದ್ದವರಿಗೆ ಅವರದ್ದೇ ಅಂಗಿ ಬಿಚ್ಚಿಸಿ ಬನಿಯನ್​ನನ್ನೇ ಮಾಸ್ಕ್​ ರೀತಿಯಲ್ಲಿ ಕಟ್ಟಿಸಿದರೆ, ಇನ್ನು ಕೆಲವರು ಪ್ಲಾಸ್ಟಿಕ್ ಕವರ್​ಗಳನ್ನು ಮುಖಕ್ಕೆ ಕಟ್ಟಿಕೊಂಡು ಹೋಗಿದ್ದಾರೆ.

ಈ ವೇಳೆ, ಡಿವೈಎಸ್ಪಿ ಕೆ. ರಾಮರಾವ್, ಸಿಪಿಐ ಗಾಯತ್ರಿ, ಪಿ.ಎಸ್.ಐ ವೈಶಾಲಿ, ಸದ್ದಾಂ ಹುಸೇನ್, ನಾರಾಯಣ, ಗುರುರಾಜ್ ಹಾಗೂ ಶಾಂತಮೂರ್ತಿ, ಬೀರಪ್ಪ ಹಾಗೂ ಸಂಚಾರಿ ಠಾಣೆಯ ಪೊಲಿಸ್ ಪೇದೆ ಕೆಂಚಪ್ಪ ಹಾಜರಿದ್ದರು.