ತಟ್ಟೆ ಬಾರಿಸಿ ಮಹಾವೀರ ಜಯಂತಿ ಆಚರಣೆ!

ಮಾರುತಿ ಕಾಲೋನಿಯ ಜೈನ ಸಮುದಾಯದವರು ಮನೆಯಲ್ಲಿ ತಮ್ಮ ಕುಟುಂಬದ ಸದಸ್ಯರೊಂದಿಗೆ ಮಹಾವೀರನ ಜಯಂತಿಯನ್ನ ತಟ್ಟೆ ಬಾರಿಸುವ ಮೂಲಕ ಆಚರಿಸಿದ್ದಾರೆ.

ಬಳ್ಳಾರಿ: ನಗರದ ಮಾರುತಿ‌ ಕಾಲೋನಿಯಲ್ಲಿ ಜೈನ‌ ಸಮುದಾಯದ ವತಿಯಿಂದ ಮಹಾವೀರ ಜಯಂತಿಯನ್ನ ತಟ್ಟೆ ಬಾರಿಸಿ 9 ನಿಮಿಷಗಳ ಕಾಲ ಹಾಡನ್ನು ಹಾಡಿ ಆಚರಿಸಲಾಯಿತು.

ಮಾರುತಿ ಕಾಲೋನಿಯ ಜೈನ ಸಮುದಾಯದ ಕೆಲವರ ಮನೆಗಳಲ್ಲಿ ತಮ್ಮ ಕುಟುಂಬದ ಸದಸ್ಯರೊಂದಿಗೆ ಮಹಾವೀರರ ಪೋಟೋವನ್ನು ಇಟ್ಟು ಸಂಪ್ರದಾಯದ ಪ್ರಕಾರ ಮಹಾವೀರ ಜಯಂತಿ ಆಚರಣೆ ಮಾಡಿದರು.

ಒಟ್ಟಾರೆಯಾಗಿ ಭಾರತ ಲಾಕ್​​ಡೌನ್ ಆಗಿರುವುದರಿಂದ ತಮ್ಮ ಕಾಲೋನಿಯ ಬಾಲ್ಕನಿಯಲ್ಲಿ ನಿಂತು ತಟ್ಟೆ ಬಾರಿಸುವ ಮೂಲಕ ಜಯಂತಿ ಆಚರಣೆ ಮಾಡಿದ್ದು ವಿಶೇಷವಾಗಿ ಕಂಡುಬಂತು.