ಗಣಿನಾಡಲ್ಲಿ ಕೆಜಿಎಫ್​ ಚಾಪ್ಟರ್​ -2.. ಸಿನೆಮಾ ನೋಡಲು ಅಭಿಮಾನಿಗಳ ನೂಕುನುಗ್ಗಲು

ಬಳ್ಳಾರಿ ನಗರದಲ್ಲಿ ಕೆಜಿಎಫ್​ ಚಾಪ್ಟರ್​ -2 ಚಿತ್ರಕ್ಕೆ ಭರ್ಜರಿ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಮುಂಜಾನೆ ನಾಲ್ಕು ಗಂಟೆಗೇ ಮೊದಲ ಮೊದಲ ಶೋ ಆರಂಭವಾಗಿದೆ.

ಬಳ್ಳಾರಿ:ಬಹುನಿರೀಕ್ಷಿತ ಪ್ಯಾನ್​ ಇಂಡಿಯಾ ಸಿನೆಮಾ ಕೆಜಿಎಫ್​ ಚಾಪ್ಟರ್​ -2 ಇಂದು ವಿಶ್ವದಾದ್ಯಂತ ಬಿಡುಗಡೆಯಾಗುತ್ತಿದ್ದು, ನಗರದಲ್ಲೂ ಕೂಡ ಅದ್ಧೂರಿ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಅಭಿಮಾನಿಗಳು ಸಿನಿಮಾ ನೋಡಲು ರಾತ್ರಿಯಿಂದಲೇ ಕಾದು ಕುಳಿತಿದ್ದರಲ್ಲದೆ, ಚಿತ್ರಮಂದಿರದೊಳಗೆ ತೆರಳುವಾಗ ನೂಕುನುಗ್ಗಲು ಕಂಡುಬಂತು.

ಬಳ್ಳಾರಿಯಲ್ಲಿ ಮುಂಜಾನೆನಾಲ್ಕು ಗಂಟೆಗೆ ಮೊದಲ ಶೋ ಆರಂಭವಾಗಿದೆ. ಏಕಕಾಲಕ್ಕೆ ಬಳ್ಳಾರಿಯ ಆರು ಚಿತ್ರ ಮಂದಿರಗಳಲ್ಲಿ ಕೆಜಿಎಫ್​ ಚಾಪ್ಟರ್​ -2 ಸಿನಿಮಾ ರಿಲೀಸ್ ಆಗಿದೆ. ಚಿತ್ರಕ್ಕಾಗಿ ಎರಡು ವರ್ಷಗಳಿಂದ ಕಾದಿದ್ದ ಯಶ್ ಅಭಿಮಾನಿಗಳು, ನೆಚ್ಚಿನ ನಟನನ್ನು ತೆರೆ ಮೇಲೆ ಕಂಡು ಕುಣಿದು ಕುಪ್ಪಳಿಸಿದರು. ಅಲ್ಲದೆ, ಸಿನೆಮಾ ಮಂದಿರಗಳೆದುರು ಪಟಾಕಿ ಸಿಡಿಸಿ ಸ್ವಾಗತಿಸಿದರು.

ಅಭಿಮಾನಿಗಳು ಟಾಕೀಸ್​​ನೊಳಗೆ ತೆರಳುತ್ತಿದ್ದಾಗ ಕೆಲಕಾಲ ನೂಕುನುಗ್ಗಲು ಕಂಡು ಬಂತು. ಈ ಸಂದರ್ಭದಲ್ಲಿ ಸ್ಥಳದಲ್ಲಿದ್ದ ಪೊಲೀಸರು ಲಾಠಿ ಹಿಡಿದು ಪರಿಸ್ಥಿತಿ ನಿಯಂತ್ರಿಸಿದರು.

ಇದನ್ನೂ ಓದಿ:ಕೆಜಿಎಫ್​ ಸಿನಿಮಾಗೆ ಡಾ.ರಾಜ್​ ಕುಟುಂಬದಿಂದ ಆಲ್​ ದಿ ಬೆಸ್ಟ್: ವಿಶ್ವಾದ್ಯಂತ ಯಶಸ್ಸಿಗೆ ಹಾರೈಕೆ