ಹೊಸಪೇಟೆ: ನಗರದಲ್ಲಿ ಅನಗತ್ಯವಾಗಿ ಹೊರ ಬಂದವರನ್ನು ಬಿಡಿಸಲು ಬಂದವರಿಗೆ ಹೊಸಪೇಟೆ ಪಟ್ಟಣ ಠಾಣೆಯ ಪೊಲೀಸ್ ಇನ್ಸ್ಪೆಕ್ಟರ್ ಎಂ.ಶ್ರೀನಿವಾಸ ಇಂದು ಕೈ ಮುಗಿದಿರುವ ಘಟನೆ ನಡೆದಿದೆ.
ಕೈ ಮುಗಿದು ಪೊಲೀಸ್ ಇನ್ಸ್ಪೆಕ್ಟರ್ ಮನವಿ
ಪೊಲೀಸರ ಬಳಿ ಹೊಸಪೇಟೆಯ ವ್ಯಾಪಾರಿಯೋರ್ವ ತನ್ನ ತಮ್ಮನನ್ನು ಬಿಡಿ ಸರ್ ಎಂದು ಮನವಿ ಮಾಡಿಕೊಂಡಿದ್ದಾನೆ. ದಯಮಾಡಿ ನಿಮಗೆ ಕೈ ಮುಗಿದು ಕೇಳುವೆ, ಜನರನ್ನು ಬದುಕಿಸಿ. ನಿಮಗೆ ದುಡ್ಡು ಬೇಕು, ನಮಗೆ ಜನ ಬೇಕು. ನಾವು ಕೂಡ ಹೆಂಡ್ತಿ-ಮಕ್ಕಳನ್ನು ಬಿಟ್ಟು ಸಮಾಜಕ್ಕಾಗಿ ಬಂದಿದ್ದೇವೆ. ದಯಮಾಡಿ ಜನ ಬದುಕಬೇಕು, ಸಮಾಜ ಬದುಕಬೇಕು ಎಂದು ಶ್ರೀನಿವಾಸ ಕೈ ಮುಗಿದಿದ್ದಾರೆ.