ಹಚ್ಚ ಹಸಿರು ಹೊದ್ದು ಮಲಗಿದ ಗಣಿನಾಡು: ಎಲ್ಲೆಡೆ ಮಂಜು ಮೋಡಗಳ ಚೆಲ್ಲಾಟ

ಬಿಸಿಲ ನಗರಿ ಬಳ್ಳಾರಿ ಮೂರ್ನಾಲ್ಕು ದಿನಗಳಿಂದ ಅಕ್ಷರಶಃ ಮಲೆನಾಡಿನಂತೆ ಕಂಗೊಳಿಸುತ್ತಿದೆ. ತಾಲೂಕಿನಾದ್ಯಂತ ಎಡಬಿಡದೆ ಸುರಿಯುತ್ತಿರುವ ತುಂತುರು ಮಳೆಯಿಂದ ಕೃಷಿ ಚಟುವಟಿಕೆಗಳು ಗರಿಗೆದರಿವೆ. ಜಿಲ್ಲೆಯ ಜೀವನದಿಗಳು ಧುಮ್ಮಿಕ್ಕುತ್ತಿವೆ.

ಬಳ್ಳಾರಿ: ಬಿರು ಬಿಸಿಲಿಗೆ ಹೆಸರುವಾಸಿಯಾದ ಬಳ್ಳಾರಿ ಜಿಲ್ಲೆ ಕಳೆದ ಮೂರ್ನಾಲ್ಕು ದಿನಗಳಿಂದ ಮಲೆನಾಡಿನಂತೆ ಕಂಗೊಳಿಸುತ್ತಿದೆ.

ಜಿಲ್ಲೆಯ ನಾನಾ ತಾಲೂಕುಗಳಲ್ಲಿ ಮೋಡ ಕವಿದ ವಾತಾವರಣವಿದ್ದು, ಕರಿಮೋಡಗಳ ಚೆಲ್ಲಾಟ ಜೋರಾಗಿದೆ. ಬೆಟ್ಟ, ಗುಡ್ಡಗಳಲ್ಲಿ ಗಣಿಧೂಳಿಗೆ ಬದಲಾಗಿ ಹಚ್ಚ ಹಸಿರಿನ ಚಿಗುರು ಮೂಡುತ್ತಿದೆ.

ಈ ಬಾರಿ ಜಿಲ್ಲೆಯಲ್ಲಿ ರೈತಾಪಿ ವರ್ಗದ ಜೀವನಾಡಿ ತುಂಗಭದ್ರಾ ಜಲಾಶಯ ಭರ್ತಿಯಾಗುವ ಸಂಶಯವಿತ್ತು. ಆದರೆ, ಜಲಾನಯನ ಪ್ರದೇಶಗಳಲ್ಲಾದ ಮಳೆಯಿಂದ, ಜಲಾಶಯದೊಡಲು ತುಂಬುತ್ತಿದೆ.

ಭಾರಿ ಮಳೆಯಿಂದಾಗಿ ಇಲ್ಲಿನ ಕುಡಿತಿನಿ ಬಳಿ ಇರುವ ದರೋಜಿ ಕೆರೆ ಕೂಡ ಬಹುತೇಕ ಭರ್ತಿಯಾಗಿದೆ.